13:21, 08 - تامىز 2018 | GMT +5
قاقپاشىنىڭ دوپتى توسۋى جۇرتتى تاڭعالدىردى
استانا. قازاقپارات - گريۋتەبۋستتىڭ ەرلىگى كومانداسىنا جەڭىس الىپ كەلمەدى.
فۋتبولدان دانيا بىرىنشىلىگىندە ءوز الاڭىندا «ودەنسە» كلۋبىنىڭ قاقپاشىسى ستەن گريۋتەبۋست «كوپەنگاگەنگە» قارسى ويىندا ەرەكشە سەيۆ جاسادى.
قوناقتار ءبىرىنشى تايم اياقتالار ساتتە ەسەپ اشۋعا جاقىن قالعان ەدى. فالك يەنسەن باسپەن دوپتى ءۇش مەتر جەردەن قاقپاعا قاراي باعىتتاعان. گريۋتەبۋست وسى ساتتە دوپتى سول قولىمەن سەرمەپ، قايتاردىم دەپ ويلاعان. الايدا دوپ قاقپاعا كىرىپ بارا جاتقان ساتتە قاقپاشى تىزبەكتەن وتكىزبەي قاعىپ الدى.
گريۋتەبۋستتىڭ ەرلىگى كومانداسىنا جەڭىس الىپ كەلمەدى - 85-مينۋتتا «كوپەنگاگەن» ويىنشىلارى گول سالىپ كەتتى. «ودەنسە» وسى جەڭىلىستەن سوڭ، تۋرنيرلىك كەستەنىڭ سوڭعى ورنىنا ءتۇستى.
