كۋباداعى بەلسەندى قاۋىم حالىقتىڭ ۆەلوسيپەدكە قىزىعۋشىلىعىن ارتتىرماق

استانا. قازاقپارات - ۆەلوسيپەد تەك كەدەيلەر ءۇشىن اياق ارتاتىن كولىك نەمەسە ەرىككەننىڭ ەرمەگى ەمەس. كۋبالىق بەلسەندى قاۋىم وسىلاي دەيدى.

 ەندى وزدەرى ۇلگى بوپ، جەرگىلىكتى تۇرعىنداردىڭ ۆەلوسيپەدكە دەگەن قىزىعۋشىلىعىن ارتتىرماق. ول ءۇشىن قوس دوڭگەلەكتى كولىكپەن ايىنا ءبىر رەت ەل استاناسى گاۆانا كوشەلەرىمەن 20 شاقىرىمدىق شەرۋ ۇيىمداستىرۋعا كوشتى. شارانى ۇيىمداستىرۋشىلاردىڭ ايتۋىنشا، ادامداردىڭ ساناسىناداعى ۆەلوسيپەد تۋرالى تۇسىنىكتى وزگەرتۋ كەرەك.

 ياسسەر گونسالەس، شارانى ۇيىمداستىرۋشى:

 - مەن بۇل شارا ارقىلى ۆەلوسيپەد كەدەيشىلىك قانا ەمەس ءال- اۋقاتتىلىقتىڭ دا بەلگىسى ەكەنىن كورسەتكىم كەلدى. باستاپقىدا مۇنداي شەرۋلەرگە از عانا ادام قاتىساتىن. كەيىن وسىنداعى شەتەلدىكتەر قوسىلدى. ولاردى شاقىرۋ قيىنعا تۇسكەن جوق. سەبەبى ول ەلدەردە ۆەلوسيپەدپەن ءجۇرۋ مادەنيەتى قالىپتاسقان. ءسويتىپ، ولار دا ءوز دوستارىن شاقىرا باستادى.

ال بۇل ەلدە ۆەلوسيپەدتىڭ جوقشىلىقتىڭ بەلگىسى رەتىندەگى جاعىمسىز يميدجىنىڭ قالىپتاسۋىنا وتكەن 90-جىلدارداعى ەلدەگى اۋىر جاعداي سەبەپ. جانارماي تاپشىلىعىنان بيلىك ۆەلوسيپەدپەن ءجۇرۋدى دارىپتەپ، جولدار مەن تۇراقتار سالدى. ءبىراق ۋاقىت وتە كەلە ولار توزىپ، ەشتەڭەسى قالماعان. ال بەلسەندى قاۋىم ونىڭ ءبارى كەلەشەكتە قايتا قالپىنا كەلەتىنىنە سەنىمدى.

www.24.kz