ساۋد ارابياسى كاناداداعى ەلشىسىن شاقىرتىپ الدى

استانا. قازاقپارات - ساۋد ارابياسى كاناداداعى ەلشىسىن شاقىرتىپ الىپ، ەر- ريادتاعى كانادا ەلشىسىن پەرسونا نون- گراتا دەپ جاريالادى. كانادا ەلشىسى ءبىر تاۋلىكتە ەل اۋماعىنان شىعىپ كەتۋى ءتيىس. كورولدىك سونىمەن قاتار كانادامەن بارلىق ساۋدا جانە ينۆەستيتسيالىق ترانزاكسيالارىن توقتاتادى.

ساۋد ارابياسىنىڭ سىرتقى ىستەر مينيسترلىگى مۇنداي شەشىمدى «كانادانىڭ حالىقارالىق نورمالارعا قايشى تۇردە ەلدىڭ ىشكى ىسىنە اشىقتان- اشىق كيلىككەنىنە جاۋاپ» رەتىندە قابىلداعانىن حابارلادى.

وتكەن اپتادا كانادا سىرتقى ىستەر مينيسترلىگى ەر- ريادتى ازاماتتىق بەلسەندى جانە ايەلدەر قۇقىعى ءۇشىن كۇرەسۋشىلەردى تۇتقىنداعانى ءۇشىن سىناپ، ولاردىڭ بوساتىلۋىن تالاپ ەتكەن. ۇستالعاندار اراسىندا «ساۋد ارابياسىنىڭ ليبەرالدارى» سايتىن قۇرۋشى رايف باداۆيدىڭ اپكەسى، قۇقىق قورعاۋشى سامار باداۆي بار. رايف باداۆي يسلامدى سىناعانى ءۇشىن 10 جىلعا سوتتالعان.

باداۆيدىڭ ايەلى كانادادان ساياسي باسپانا الىپ، تاياۋدا عانا وسى ەل ازاماتتىعىن يەلەنگەن. وتتاۆا ەر- ريادتان بەلسەندىنى ساۋد ارابياسىنىڭ ازاماتتىعىنان شىعارىپ، كاناداعا دەپورتاتسيالاۋدى سۇراعان. ا ق ش، ەۋروپا وداعى مەن قۇقىق قورعاۋ ۇيىمدارى دا ساۋد ارابياسىنىڭ بيلىگىنەن بەلسەندىگە راقىمشىلىق جاساۋدى سۇراعان. كورولدىك مۇنداي ۇندەۋلەر مەن وتىنىشتەردى ەلدىڭ ىشكى ىسىنە كيلىگۋ دەپ سانايدى.

azattyq.org