ءبىر-بىرىنەن اۋمايتىن ەگىز جىگىتتەر ەگىز قىزدارعا ۇيلەندى

ءتىپتى، سالتاناتتى ءراسىمنىڭ ءوزىن ەگىز ءدىندارلار جۇرگىزگەن. ۇيلەنۋ تويى ا ق ش- تىڭ وگايو شتاتىنداعى تۆينسبۋرگ قالاسىندا بولدى، دەپ جازادى Stan.kz.

بۇل قالادا 1976-جىلدان بەرى ەگىزدەر فەستيۆالى ۇيىمداستىرىلىپ كەلەدى. ەگىز قىزدار دا اعايىندى ساليستەرمەن سول فەستيۆالدە ۇستىمىزدەگى جىلدىڭ تامىز ايىندا تانىسقان. ولار ءبىر-ءبىرىن كورە سالا عاشىق بولىپ قالعان ەكەن. دجەرەمي برايانمەن كوڭىل قوسسا، دجوش بريتتانيدى ءسۇيىپ قالعان.

«ءبىز تەك ەگىزدەرگە عانا ۇيلەنەتىنىمىزدى بىلەتىنبىز. نەمەسە مۇلدە ۇيلەنبەيمىز دەپ جۇردىك» - دەيدى دجوش.

سونداي-اق، اپالى-سىڭلىلەردىڭ دە ارمانى ەگىز جىگىتتەرگە كۇيەۋگە شىعۋ بولعان.

اعايىندى جىگىتتەر تۇرمىسقا شىعۋ تۋرالى ۇسىنىستى دا ءبىر ۋاقىتتا 2- اقپاندا جاسادى. ولار 2.02 ءسىن سيمۆولدى تۇردە ەكى جۇپتىڭ قارىم-قاتىناسىن تاعى ءبىر رەت اتاپ ءوتۋ ءۇشىن ارنايى تاڭداعان.

ساليستەر ەندى ءبىر شاتىردىڭ استىندا تۇرىپ، بالالارىن دا  بىرگە تاربيەلەمەكشى.

«ءبىزدىڭ بالالارىمىز ءبىر-بىرىنە بولە، سونداي-اق باۋىر، اپكە، قارىنداس بولادى. ولار ەكى اناسىمەن جانە ەكى اكەسىمەن بىرگە ءومىر سۇرەدى»، - دەيدى بريتتاني.