ادەبيەت پەن ونەر سالاسىنداعى مەملەكەتتىك سىيلىق كىمگە بۇيىرادى

استانا. قازاقپارات - استانادا قازاقستان رەسپۋبليكاسىنىڭ ادەبيەت پەن ونەر سالاسىنداعى مەملەكەتتىك سىيلىعىن تاعايىنداۋ جونىندەگى كوميسسيانىڭ العاشقى وتىرىسى وتكەن ەدى.
None
None

«ادەبيەتىمىز بەن ونەرىمىزدىڭ ءوسىپ- وركەندەۋ كەزەڭىن، ونىڭ بۇگىنگى دەڭگەيىن كورسەتەتىن ەڭبەكتەر جان- جاقتى قارالىپ، ءوز باعاسىن الۋى كەرەك. ەڭ باستى ولشەم - سىيلىق بەرىلەتىن شىعارما ەلدىڭ رۋحاني- مادەني ومىرىندە مويىندالعان، ءوز سالاسىندا وزىق، ۇزدىك، كوركەم تۋىندى بولسىن. ول شىعارمالاردا وتانشىل، ەلشىل، مەملەكەتشىل يدەيا تەرەڭ كورىنىس تابۋى كەرەك. ەل تاۋەلسىزدىگى، مەملەكەتىمىزدىڭ دامۋى، وركەندەۋ كەزەڭى، ۇلتتىق تاريحىمىز بەن ازاماتتىق- يماندىلىق ولشەمدەرىمىز جوعارى ءارى كوركەم دەڭگەيدە كورىنۋى شارت»، - دەيدى گ. ءابدىقالىقوۆا.

ونىڭ ايتۋىنشا، ادەبيەت پەن ونەر سالاسىنداعى مەملەكەتتىك سىيلىقتى بەرۋ تۋرالى سوڭعى شەشىمدى پرەزيدەنتتىڭ ءوزى قابىلدايدى. ودان كەيىن ارنايى جارلىق شىعارىلادى. جىل سوڭىندا جەڭىمپازعا سىيلىقتى ەلباسىنىڭ ءوزى تاپسىرادى. بۇدان بولەك، مەملەكەتتىك حاتشى كوميسسيانىڭ جاڭا مۇشەلەرىن تانىستىردى.

پرەزيدەنتتىڭ جارلىعىمەن كوميسسيانىڭ قۇرامىنا ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى ايدا بالايەۆا، ادەبيەت سىنشىسى سۆەتلانا انانيەۆا، جازۋشى امانتاي احەتوۆ، اقىن ەلگەزەك اقبەرەن، «ەگەمەن قازاقستان» گازەتى» ا ق باسقارما ءتوراعاسى دارحان قىدىرالى، جازۋشى قاجىعالي مۇحامەدقالي، پروفەسسور سەرىك نەگيموۆ، اقىن ليۋبوۆ شاشكوۆا، ە ۇ ۋ جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق، «استانا- وپەرا» تەاترىنىڭ ديرەكتورى عالىم احمەدياروۆ، ونىڭ ءبىرىنشى ورىنباسارى تولەۋبەك الپيەۆ، ق ر حالىق ءارتىسى دوسحان جولجاقسىنوۆ، مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى اسحات ماەميروۆ، قازاقستان كينەماتوگرافيستەرى وداعىنىڭ ءتوراعاسى ەرمەك تۇرسىنوۆ، پروديۋسەر احات يبرايەۆ، رەجيسسەر اقان ساتايەۆ، سۋرەتشى اماندوس اقانايەۆ، پروفەسسور باۋىرجان ءبايدىلدا، سۋرەتشى كاميل مۋللاشيەۆ، پروفەسسور سەيىتقالي شالابايەۆ ەندى. بۇگىنگى وتىرىس بارىسىندا كوميسسيا مۇشەلەرى جاسىرىن داۋىس بەرۋ ارقىلى مەملەكەتتىك سىيلىقتان ۇمىتكەرلەردى انىقتادى. وسىدان كەيىن ۇمىتكەرلەردىڭ جۇمىستارى قوعامدى تالقىلاۋعا شىعارىلادى.

كوميسسيانىڭ قورىتىندى وتىرىسى اعىمداعى جىلى قازان ايىندا وتەدى. ايتا كەتەيىك، كوميسسيانىڭ قاراۋىنا مۇرات اۋەزوۆ، بەيبىت قويشىبايەۆ، اسقار ورازاقىن، عالىم جايلىباي، اقۇشتاپ باقتىگەرەيەۆا، تىنىشتىقبەك ابدىكاكىموۆ، ادىلبەك الپىسباي، جولتاي المەشيەۆ، جارقىن شاكارىم، بيبىگۇل يمانعازينا، مارحابات بايعۇت، وتەگەن ورالبايەۆ، سايلاۋباي جۇباتىر ۇلى، سەرىك تۇرعىنبەك ۇلى، مىرزاعالي ىڭىربايەۆ، قۇرالباي تويعانباي سىندى اقىن- جازۋشىلاردىڭ شىعارمالارى، سونداي- اق، مۋزىكا، ساۋلەت مەن كينو سالاسىنداعى ۇجىمدىق جۇمىستار شىعارىلىپ وتىر.

سوڭعى جاڭالىقتار