07:38, 08 - تامىز 2018 | GMT +5
استانالىق « ارلاندار» مەن «كۋبا دومادورەستىڭ» فينالداعى كەزدەسۋىنىڭ قايدا وتەتىنى بەلگىلى بولدى
استانا. قازاقپارات - كۋبالىق Juventud Rebelde باسىلىمى دۇنيەجۇزىلىك بوكس سەرياسى فينالىنىڭ قازاقستاندىق «استانا ارلانس» كومانداسى مەن «كۋبا دومادورەس» كلۋبىنىڭ اراسىنداعى فينالدىق كەزدەسۋى قاشان جانە قايدا بولاتىندىعى جايىندا جازدى.
ول 30- قاراشادا قىتايدا وتەدى، دەپ حابارلايدى Sports.kz.
WSB ۇيىمى ازىرگە بۇل اقپاراتتى راستاعان جوق.
ەسكە سالا كەتسەك، جارتىلاي فينالدا «استانا ارلانس» بريتاندىق «بريتيش لاينحارتستى» سۇرىندىرگەن ەدى. ال «كۋبا دومادورەس» فرانسيانىڭ «فرانس فايتينگ رۋستەرسىن» تۋرنيردەن شىعارىپ جىبەردى.
سونداي-اق «كۋبا دومادورەس» ءبىر دە ءبىر كوماندانىڭ باسىمدىعى بولماسى ءۇشىن فينالدى كۋبادا نە قازاقستاندا وتكىزۋدەن باس تارتقان بولاتىن.
