ا ق ش يرانعا سانكسيالاردى قايتا سالدى
بۇل تۋرالى The Washington Post گازەتى حابارلادى.
مەملەكەتتىك حاتشى مايك پومپەونىڭ مالىمدەۋىنشە، شەكتەۋ شارالارى تەگەران ءوزىنىڭ ساياسي باعىتىن وزگەرتپەيىنشە ساقتالاتىن بولادى. ءسويتىپ يراندى ءوزىنىڭ زىمىراندىق باعدارلاماسى مەن ايماقتاعى ساياساتىن تالقىلاۋعا يتەرمەلەۋى ءتيىس. رەسمي تەگەران بولسا ا ق ش- تىڭ بۇل ءىسى ءۇشىن ءالى وكىنەتىنىن ايتىپ، ءوزىنىڭ حالىقارالىق مىندەتتەمەلەرىن ورىنداي بەرەتىنىن جەتكىزدى.
ال اق ءۇي باسشىسىنىڭ مۇنداي شەشىمىنە ەۋرووداق پەن باسقا دا ەلدەر وكىنىشتەرىن ءبىلدىردى. سونداي- اق ەۋرو وداق ۇلى بريتانيا، فرانسيا، جانە گەرمانيامەن بىرلەسكەن مالىمدەمە جاريالادى. وندا تاراپتار 2015 -جىلعى كەلىسىم يراننىڭ يادرولىق باعدارلاماسىن بەيبىت ماقساتتا دامۋىنا كەپىلدىك بولىپ وتىرعانىن جەتكىزدى. سوندىقتان ەۋروپالىق كومپانيالاردى ا ق ش- تىڭ سانكسياسىنان قورعايتىن زاڭ قابىلدادى.
مينا اندرەيەۆا ، ەۋروكوميسسيانىڭ رەسمي وكىلى- ەۋروپالىق كومپانيالاردىڭ يرانمەن ساۋدا بايلانىسىن ا ق ش- تىڭ سانكسياسىنان قورعايتىن زاڭ بۇگىن كۇشىنە ەنەدى. ول سونداي- اق ا ق ش- تىڭ سانكسيالارىنان تۋىندايتىن شىعىنداردىڭ ورنىن تولتىرۋعا مۇمكىندىك بەرىپ، وسىعان بايلانىستى باسقا شەتەلدىك سوت شەشىمدەرىنىڭ كۇشىن جويادى.
ەسكە سالا كەتەيىك، مامىردىڭ 8- كۇنى پرەزيدەنت دونالد ترامپ ا ق ش 2015 -جىلى يرانمەن جاسالعان يادرولىق كەلىسىمنەن شىعاتىنىن ايتىپ، سانكسيالار قايتا قولدانىلا باستايتىنىن مالىمدەدى. ال مامىردىڭ 21- كۇنى مەملەكەتتىك حاتشى مايك پومپەو يراننىڭ يادرولىق باعدارلاماسىنا قاتىستى جاڭا كەلىسىم جاساۋ ءۇشىن 12 تالاپ قويدى.
www.24.kz
