كاسپي ماڭى ەلدەرىنىڭ باسشىلارى قانداي قۇجاتتارعا قول قويماق

استانا. قازاقپارات - اقتاۋدا وتەتىن كاسپي ماڭى مەملەكەتتەرى باسشىلارىنىڭ سامميتىندە كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلاتىن بولادى.

بۇل تۋرالى ق ر سىرتقى ىستەر مينيسترلىگى حالىقارالىق- قۇقىقتىق دەپارتامەنتىنىڭ ديرەكتورى ارمان يسەتوۆ ءمالىم ەتتى، دەپ حابارلايدى قازاقپارات ءتىلشىسى.

«كاسپي تەڭىزىنىڭ قۇقىقتىق مارتەبەسىنە قاتىستى كەلىسسوزدەر 20 جىلدان استام ۋاقىت بويى جۇرگىزىلگەنى بەلگىلى. ەندى مىنە سول كەلىسسوزدەردىڭ قورىتىندىسى - نەگىزگى قۇجاتقا قول قويۋ. قۇجات تەڭىز اكۆاتورياسىن، كاسپي تەڭىزى ءتۇبىن بولۋگە، بيورەسۋرستاردى قورعاۋعا، بالىق اۋلاۋعا، سونىمەن قاتار كاسپي تۇبىمەن قۇبىر تارتۋعا قاتىستى ەرەجەلەردى قامتيدى»، - دەدى ول ب ا ق وكىلدەرىنە.

ونىڭ ايتۋىنا قاراعاندا، كەزدەسۋگە بارلىق كاسپي ماڭى ەلدەرىنىڭ باسشىلارى كەلەدى دەپ كۇتىلۋدە. سامميت اياسىندا ءبىرقاتار ۇكىمەت ارالىق كەلىسىمگە قول قويۋ دا جوسپارلانعان. قۇجاتتار كولىك، ساۋدا- ەكونوميكالىق ىنتىماقتاستىق، كاسپيدىڭ قاۋىپسىزدىگى، ونىڭ ىشىندە تەرروريزممەن، قىلمىسپەن كۇرەس، كاسپي ماڭىز مەملەكەتتەردىڭ شەكارالىق ۆەدومستۆولارىنىڭ ءوزارا ءىس- قيمىلى سالالارىنداعى قارىم- قاتىناستاردى قامتيدى.

سامميت 12 - تامىز كۇنى اقتاۋ قالاسىندا وتەدى.

اۆتور: مارلان جيەمباي