ۆيسە- مينيستر: قازاقستانعا رەسەيلىك بەنزين قاجەت بولماي قالدى

استانا. قازاقپارات - رەسەيدەن قازاقستانعا بەنزين تاسىمالداۋ توقتاتىلادى. بۇل تۋرالى ورتالىق كوممۋنيكاتسيالار قىزمەتىندە ق ر ەنەرگەتيكا ۆيتسە- ءمينيسترى بولات اقشولاقوۆ ءمالىم ەتتى، دەپ حابارلايدى قازاقپارات ءتىلشىسى.

«رەسەيمەن اراداعى كەلىسىم اياسىندا قازاقستانعا اۋماعىنا جەتكىزىلەتىن ونىمدەردىڭ كولەمى مەن تۇرلەرى كەلىسىلگەن. بۇل كەلىسىمدەرگە ەلىمىزدە مۇناي ونىمدەرىنە ەلەۋلى تاپشىلىق بولعان كەزدە قول قويىلعان ەدى. وسى ورايدا ر ف تاراپى قاجەتتى كولەمدى قامتاماسىز ەتۋگە قاۋقارلى بولدى. ءبىز ولار ە ە ك اياسىندا ەكىجاقتى كەلىسىمدى بەكىتتىك جانە ول قۇجات 2015 -جىلى كۇشىنە ەندى. وندا جانار- جاعارمايدىڭ بارلىق تۇرلەرى قامتىلدى. ءداستۇرلى تۇردە 900 مىڭ تونناعا تارتا جوعارى وكتاندى بەنزيندى، 400 مىڭ تونناعا جۋىق ديزەل وتىنىن، سونداي- اق 250-270 مىڭ توننا اۆياتسيالىق كەروسيندى تاسىمالدادىق. بۇل كولەم ءبىزدىڭ نارىقتا قاجەت بولدى»، - دەپ توقتالدى ب. اقشولاقوۆ.

ۆيتسە- مينيستر سوڭعى جىلدارى ەلىمىزدەگى مۇناي وڭدەۋ زاۋىتتارىندا جۇرگىزىلگەن جاڭعىرتۋ جۇمىستارىنان كەيىن، اتالعان وتىن تۇرلەرىمەن قامتاماسىز ەتۋ دەڭگەيى ارتقانىن ەسكە سالىپ ءوتتى.

 «سايكەسىنشە، زاۋىتتار جاڭعىرتىلعاننان سوڭ، بۇگىندە بىزدە يمپورتتىق اي-92 بەنزينىنە قاجەتتىلىك مۇلدەم جوق. سوندىقتان وسى وتىندى سىرتتان اكەلۋگە تىيىم سالماقپىز. بۇل رەتتە رەسەيلىك ارىپتەستەرىمىزدى ەسكەرتتىك، ولار بۇل قادامعا قارسى ەمەس. اتاپ ايتقاندا، ولار بىزگە بۇعان دەيىن جىبەرىپ كەلگەن مۇناي ونىمدەرى كولەمىن ءۇشىنشى نارىقتارعا شىعارۋعا قىزىعۋشىلىق تانىتىپ وتىر. اتاپ ايتقاندا، ر ف ءۇشىن بۇل ءتيىمدى»، - دەدى ۆيتسە- مينيستر.

ونىڭ سوزىنە قاراعاندا، يمپورتتان باس تارتۋعا قاتىستى شەكتەۋلەر تەمىرجولمەن تاسىمالعا ارنالعان.

«ەگەر دە ءبىز يمپورتقا تىيىم سالساق، ول تەمىرجول كولىگىمەن تاسىمالعا قاتىستى بولادى، ياعني اۆتكولىككە بايلانىستى ەمەس. سوندىقتان دا رەسەيمەن شەكارالاس وڭىرلەردە قاجەتتى كولەم تاسىمالدانۋى مۇمكىن، الايدا تەمىرجول ارقىلى اۋقىمدى مولشەردە يمپورتتاۋ بولمايدى»، - دەپ ناقتىلادى اقشولاقوۆ.

 «بۇل بۇيرىق ادىلەت مينيسترلىگىندە تىركەۋگە ەنگىزىلدى. ول شىققاننان كەيىن، كۇشىنە ەنەدى. مەنىڭشە، 10 - تامىزعا قاراي ول قۇجات تىركەۋدەن كەيىن جاريالانادى. سونداي- اق، 10 كۇننەن كەيىن كۇشىنە ەنەدى. بۇل تۇرعىدا بارلىق تەمىرجول ينستانسالارىنا ەسكەرتۋ جاسالادى»، - دەدى ءمينيستردىڭ ورىنباسارى.

ەستەرىڭىزگە سالا كەتەيىك، بيىل ماۋسىم ايىندا ەنەرگەتيكا ءمينيسترى قانات بوزىمبايەۆ قازاقستان رەسەيلىك بەنزيندى يمپورتتاۋدى توقتاتاتىنىن ايتقان ەدى.

اۆتور: رۋسلان عابباسوۆ