تانىمال فۋتبولشى كورولدىك كلۋبقا بايكوت جاريالادى

 استانا. قازاقپارات -  «رەال مادريد» كومانداسىنىڭ جارتىلاي قورعاۋشىسى، رەسەي جەرىندەگى الەم چەمپيوناتىنىڭ كۇمىس جۇلدەگەرى ماتەو كوۆاچيچ كوماندامەن بىرگە جاتتىعۋ وتكىزۋدەن باس تارتتى.

اقپاراتتارعا قاراعاندا، حورۆات جارتىلاي قورعاۋشىسىسى ۆالدەباستاعى باسشىلىق بازاسىنا كەلىپ ءوز بولاشاعى شەشىلمەيىنشە جاتتىعۋ جاسامايتىنىن ايتقان. كوۆاچيچ كورولدىك كلۋبتان كەتۋدى كوزدەپ ءجۇر. سەبەبى الاڭداعى ويىن ۋاقىتىنا، ماتچتارعا از شىعۋىنا كوڭىلى تولمايدى. بۇل تۋرالى ول كلۋبتىڭ جاڭا باپكەرى حۋلەن لوپەتەگيمەن دە سويلەسكەن. وتكەن ماۋسىمدا كوۆاچيچ رەال ساپىندا 36 ويىننىڭ 21 ىنە قاتىسقان. بۇدان بۇرىن بەلگىلى بولعانداي تاعى ءبىر حورۆات لۋكا مودريچ دە «رەال مادريد» ساپىنان كەتكىسى كەلىپ ءجۇر. لۋكا رەالمەن وتەتىن دايىندىق جاتتىعۋلارىنا كەلمەگەن. الەم چەمپيوناتىنىڭ ۇزدىك ويىنشىسىنا «ينتەر» كلۋبى قىزىعۋشىلىق تانىتىپ وتىر.

Massaget.kz