دوللار باعامى تومەندەپ كەلەدى

استانا. قازاقپارات - قازاقستان قور بيرجاسىندا (KASE) سەيسەنبى كۇنگى ساۋدا-ساتتىقتىڭ تاڭەرتەڭگىلىك سەسسياسىندا تەڭگەنىڭ ا ق ش دوللارىنا شاققانداعى ورتاشا باعامى 348,48 تەڭگەنى قۇرادى، دەپ حابارلايدى قازاقپارات KASE- گە سىلتەمە جاساپ.

دۇيسەنبى كۇنگى ساۋدا-ساتتىقپەن سالىستىرعاندا، شەتەلدىك ۆاليۋتا باعامى 0,41 تەڭگەگە تومەندەگەن. سەسسيا بارىسىندا ەڭ تومەنگى كۋرس 1 دوللارعا - 348,1 تەڭگە، ال ەڭ جوعارىسى - 348,95 تەڭگە دەڭگەيىندە بولعان. ساۋدا كولەمى 32,35 ميلليون دوللارعا جەتتى.

دۇيسەنبى كۇنى دوللاردىڭ ورتاشا باعامى تاڭعى سەسسيا قورىتىندىسى بويىنشا 1 دوللارعا 348,89 تەڭگە، كۇندىزگى سەسسيادا 348,68 تەڭگە، ەكى سەسسيانىڭ قورىتىندىلارى بويىنشا 348,8 تەڭگە بولىپ، ساۋدانىڭ جالپى كولەمى 75,95 ميلليون دوللاردى قۇراعان.

ەسكە سالا كەتەيىك، دۇيسەنبى كۇنى قازاقستان قور بيرجاسىندا (KASE) ا ق ش دوللارىنىڭ ورتاشا باعامى 349,81 تەڭگەدەن 348,89 تەڭگەگە دەيىن - 0,92 تەڭگەگە تومەندەگەن بولاتىن.