قىتايدا الەمدەگى ەڭ ۇزىن سۋ استى جولى سالىنادى

 استانا. قازاقپارات -  اسپان استى ەلىندە الەمدەگى ەڭ ۇزىن سۋ استى تۋننەلى قۇرىلادى. بۇل تۋننەل قىتاي حالىق رەسپۋبليكاسى قۇرلىعى مەن تايۆان مەملەكەتىن بايلانىستىرادى.

قىتاي اقپارات كوزدەرىنىڭ حابارلاۋىنشا، مۇنداي قۇرىلىس جوباسى بىرنەشە ونجىلدان بەرى ايتىلىپ كەلەدى. ءبىراق ونى سالۋدىڭ تەحنولوگيالىق مۇمكىندىكتەرى ەندى پايدا بولعان.

قىتايلىق عالىمدار جوبانىڭ سوڭعى كونتسەپتسياسىن اياقتاپ جاتىر. تۋننەلدىڭ جالپى ۇزىندىعى 135 شاقىرىم بولادى. جاڭا تۋننەلدى لا-مانش سۋ استى جولىمەن سالىستىرار بولساق -  ەۋروپا تۋننەلى بار-جوعى 35 شاقىرىم عانا. قىتايداعى تۋننەلدىڭ ديامەترى 10 مەتر بولادى. اشىلۋى 2030-جىلعا جوسپارلانعان.

تەمىر جول كولىگى بۇل جولدا ساعاتىنا 250 شاقىرىم جىلدامدىقپەن قوزعالادى. سونىمەن بىرگە پويىزدار ءبىر ۋاقىتتا ەكى باعىتتا قاتىنايدى.

Massaget.kz