الەم چەمپيونى مەن وليمپيادا ويىندارىنىڭ قاتىسۋشىسى دوپينگ ءۇشىن جازالاندى
2017-جىلى ءساۋىر مەن ماۋسىم ارالىعىندا اشىربايەۆا دوپينگ سىنامالارىن تاپسىرعاننان كەيىن ونىڭ قان قۇرامىنان فۋروسەميد، گيدروحلورتيازيد جانە حلورتيازيد شىققان. ول ءۇشىن سپورتشى ەكى جىلعا سپورتتان شەتتەتىلدى: 2018-جىل 7- ماۋسىم - 2020-جىل 7- ماۋسىم. 19 جاستاعى اشىربايەۆا سپورتتىق مانسابىندا ءۇش رەت ازيا چەمپيونى اتاندى، ازيادا-2014 جارىسىندا قولا مەدال، باسقا ازيا چەمپيوناتتارىندا كۇمىس جانە التى قولا مەدال يەلەنگەن. 2016-جىلى گيمناستشى قىز وليمپيادا ويىندارىندا باعىن سىناپ كوردى، ال كەلەسى جىلى الەم كۋبوگىندا ەكىنشى ورىن الدى.
2018-جىلى ناۋرىزدا اشىربايەۆا سپورتتىق مانسابىن اياقتاپ، شىمكەنتتە اننا اليابيەۆانىڭ مەكتەبىندە باپكەر قىزمەتىنە تاعايىندالعان.
ۆلاديمير سەدوۆ 2008-جىلعى وليمپيادادا دوپينگ-سىناماسىنان تىيىم سالىنعان زات تابىلعانى ءۇشىن جازالاندى. 2016-جىلى ماۋسىمدا ونىڭ قان قۇرامىنان ستانوزولول تابىلعان ەدى. ويىنداردا سەدوۆ ءتورتىنشى ورىن العان ەدى، الايدا حالىقارالىق وليمپيادا كوميتەتى (ح و ك) ونىڭ ناتيجەسىن جويدى. ونى 2024-جىلدىڭ 1- تامىزىنا دەيىن، ياعني 8 جىلعا سپورتتان شەتتەتتى.
سەدوۆ الەم بىرىنشىلىگىندە مەدالدىڭ بارلىق ءتۇرىن الدى: التىن - 2009-جىلى، كۇمىس - 2014-جىلى جانە قولا - 2011-جىلى. ول ەكى رەت ازيا چەپيونى اتاندى - 2009 جانە 2011-جىلدارى. سەدوۆ وسىمەن ەكىنشى مارتە دوپينگ ءۇشىن جازالانىپ وتىر. ول بۇرىندارى 2006-جىلمەن 2008 ارالىعىندا رۇقسات ەتىلمەگەن پرەپاراتتى قولدانعانى ءۇشىن سپورتتان شەتتەتىلگەن ەدى.
