تۇركيادا ورتا عاسىردا سالىنعان عيمارات كوشىرىلدى

باتمان. قازاقپارات - تۇركيادا ورتا عاسىرلاردا سالىنعان «ارتۋكلۋ» مونشاسىن باسقا جەرگە كوشىردى، دەپ حابارلايدى «قازاقپارات» ح ا ا «انادولى» اگەنتتىگىنە سىلتەمە جاساپ.

  ХІІعاسىردا سالىنعان عيمارات تۇتاستاي كوشىرىلىپ، باتمان پروۆينتسياسىنداعى حاسانكەيف مادەني باعىنا جەتكىزىلگەن.

باتمان پروۆينتسياسىنىڭ گۋبەرناتورى احمەت دەنيزدىڭ ايتۋىنشا، تۇركيانىڭ وڭتۇستىك-شىعىسىندا «يليسۋ» سۋ قويماسىنىڭ سالىنۋىنا بايلانىستى سول ماڭداعى مادەني مۇرالار باسقا جەرگە كوشىرىلىپ جاتىر.

«مەملەكەت مادەني مۇرالار ماسەلەسىنە ەرەكشە كوڭىل بولەدى، سوندىقتان، ستراتەگيالىق ماڭىزى بار جوبا ايماعىنداعى تاريحي عيماراتتاردى باسقا جەرگە كوشىرىپ جاتىر»، - دەيدى ول.

گۋبەرناتوردىڭ سوزىنە قاراعاندا، تاعى دا جەتى تاريحي مۇرا نىسانى كوشىرىلمەك. ولاردىڭ بارلىعى ءبىر جەرگە جينالىپ، حاسانكەيفتە تۋريزمدى دامىتۋعا ۇلەس قوسادى.

تۇركيا مەملەكەتتىك سۋمەن قامتۋ جونىندەگى باسقارماسىنىڭ ديرەكتورى مۋرات ادجۋدىڭ ايتۋىنشا، 2017-جىلعى 12- مامىردا 555 جىل تۇرعان زەينەل بەي مولاسى كوشىرىلگەن.