جاپونيا مەن دۇنيەجۇزىلىك بانك الەمنىڭ جەتەكشى وقۋ ورىندارىنا گرانت ۇسىنادى

استانا. قازاقپارات - جاپونيا ۇكىمەتى مەن دۇنيەجۇزىلىك بانك الەمنىڭ جەتەكشى وقۋ ورىندارىنا گرانت ۇسىنادى، دەپ حابارلايدى ق ر پرەزيدەنتىنىڭ «بولاشاق» حالىقارالىق ستيپەندياسىنىڭ سايتى.

شاكىرتاقى باعدارلاماسىنا قاتىساتىن ۋنيۆەرسيتەتتەر مەن باعدارلامالاردىڭ ءتىزىمىن كەلەسى سىلتەمەدەن تابۋعا بولادى.

تالاپتار: دۇنيەجۇزىلىك بانكتىڭ سەرىكتەس- ۋنيۆەرسيتەتتەرىنەن شاقىرتۋ الۋ؛ باكالاۆر دارەجەسى ءوتىنىش بەرگەن كۇنگە دەيىن 3 جىل بۇرىن الىنۋى كەرەك؛

باكالاۆريات ماماندىعى بويىنشا جۇمىس ءوتىلى - 3 جىل جانە ودان كوپ؛

ستيپەنديا نەنى قامتيدى: تەگىن وقۋ؛ تەگىن مەديتسينالىق ساقتاندىرۋ؛ تۇرۋ جانە تاماقتانۋ ءۇشىن اي سايىن ستيپەنديا؛ ۇشۋ ساپارلارى؛ وقىتۋ كەزىندە تاسىمالداۋ شىعىندارىنا ارنالعان شىعىندار.

شاكىرتاقى الۋعا ارنالعان ءوتىنىم:

قاجەتتى قۇجاتتاردىڭ ءتىزىمى، سونىڭ ىشىندە، تولتىرىلعان ساۋالناما جانە ەكى ۇسىنىس حاتتى 2019-جىلدىڭ 12- ساۋىرىنە دەيىن ونلاين رەجيمىندە وقۋعا قابىلدانعان جوعارى وقۋ ورنىنىڭ سايتىندا ونلاين تارتىبىندە ۇسىنىلۋى ءتيىس.

باعدارلاما اياقتاعاننان كەيىن، شاكىرتاقى يەگەرى ەلىنە كەلىپ قىزمەت جاساۋى كەرەك.

بىلىكتى كوميسسيا مۇشەلەرى ءاربىر ءوتىنىمدى دەربەس قاراپ شىعىپ، ءتورت نەگىزگى فاكتوردى ەسكەرە وتىرىپ 1 دەن 10 عا دەيىنگى شكالا بويىنشا باعالايدى: كاسىبي تاجىريبە دەڭگەيى - 30%؛ جۇمىس بەرۋشىنىڭ ۇسىنىمدارى - %30؛

ەلگە تيەسىلى بولۋ دەڭگەيى (وقۋ بىتىرگەننەن كەيىن ەلىنە قايتىپ ورالعان فاكتورلار) - %30؛ ءبىلىم ساپاسى مەن دەڭگەيى - %10.

ستيپەندياعا مىنالار كىرمەيدى: ۆيزا الۋعا بايلانىستى شىعىندار. وتباسى مۇشەلەرىنە ماتەريالدىق كومەك كورسەتۋگە بايلانىستى شىعىندار؛ وقۋ باعدارلاماسىنا كىرمەگەن قوسىمشا ترەنينگتەر مەن كۋرستار؛ وقۋ جوسپارىنان تىس تىلدىك كۋرستار؛

ايتا كەتەر جايت، ستيپەنديانىڭ يەگەرى باسقا قارجىلاي كومەككە يە بولماۋى كەرەك.