ەگەر قۇستار ءىز قالدىرسا
ال قۇستاردىڭ اۋاداعى ءىزى جايلى تىڭ يدەيا وسى جوبا بارىسىندا پايدا بولعان. "Ornitografíеs" قالاي جاسالعانىن حاۆي بۋ بىلاي تۇسىندىرەدى: «ەگەر قۇستار اۋادا ءىز قالدىرا السا، بۇل تابيعاتتىڭ ەڭ تاماشا تۋىندىسى بولار ەدى. مەن بالا كەزدەن قۇستاردى جاقسى كوردىم، ولاردى ءالى كۇنگە دەيىن زەرتتەپ كەلەم. قۇستاردىڭ ءىز قالدىراتىنداي فيزيكالىق قابىلەتى جوق. ءبىراق ولاردىڭ ارتتا قالاتىن جولى بار. ونى تەك فوتواپپارات قانا بەدەرلەي الادى.
ءبىر قۇستىڭ ۇشىپ وتكەن تراەكتورياسىن سۋرەتكە ءتۇسىرىپ ۇلگەرۋ ءۇشىن جانە سۋرەتتەردىڭ ساپاسىن ءبىر دەڭگەيدە ۇستاپ وتىرۋ ءۇشىن ەپتىلىك پەن جىلدامدىق كەرەك. ال كەيىن ونى وڭدەۋ بولەك شارۋا. العاشقى سۋرەتتەرىم ءساتسىز شىقتى. ءبىراق شىڭدالا كەلە ءار قۇستىڭ ۇشۋ باعىتىن سەزەتىن جاعدايعا جەتتىم. 10 مەترلىك قۇس جولىن ءتۇسىرۋ ءۇشىن كەيدە مىڭداعان كادر كەتەدى. ەسەسىنە وڭدەپ، بىرىكتىرەردە وڭاي بولادى. "Ornitografíеs"جوباسىنداعى ءار سۋرەت مىڭداعان بىرىككەن كادرلاردىڭ جەمىسى».
فوتوگراف ءوز تاجىريبەسىندە جىلدام ۇشاتىن لاشىن قۇستى ءتۇسىرۋ قيىن بولعانىن جاسىرمادى. ول قۇستىڭ جيىنتىق سۋرەتى اقىرى جاريالانباپتى. ءبىراق حاۆي بۋ جىلدام قۇستاردىڭ ءىزىن بولەك جاريالايتىنىن ايتقان.
Massaget.kz
