جەمقورلىق تۋرالى اقپارات بەرگەن ادام قانشا سىياقى الادى
اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتىنىڭ قىزمەتكەرلەرى وبلىس تۇرعىندارى اراسىندا ادالدىلىق تاقىرىبىندا انونيمدى تۇردە ونلاين ساۋلناما جۇرگىزدى.
ۆەدومستۆونىڭ باسپا ءسوز قىزمەتىنىڭ حابارلاۋىنشا، ساۋالناما قورىتىندىسىنا سايكەس اقمولالىقتاردىڭ 74 پايىزى سىيبايلاس جەمقورلىقتى جاريا ەتۋگە دايىن ەكەنى انىقتالدى.
«ال 77 پايىز ادام «ءوز ماسەلەڭدى شەشۋ ءۇشىن پارا بەرۋگە دايىنسىز با؟ » دەگەن سۇراققا «جوق» دەپ جاۋاپ بەردى. «سىيبايلاس جەمقورلىقتىڭ كۋگەرى بولعان كەزدە حابارلاۋعا دايىنسىز با؟ » دەگەن ساۋالعا كەلەتىن بولساق، اقمولالىقتاردىڭ 74 پايىزى سىيبايلاس جەمقورلىقتى جاريا ەتۋگە دايىن ەكەنى انىقتالدى. قالعان 7 پايىزى «جوق» ، 19 پايىزى «قالىس قالدى. جالپى، ساۋالناماعا 477 رەسپوندەنت قاتىستى. ساۋالناما سوڭىندا سىيبايلاس جەمقورلىقتى الدىن الۋ بويىنشا ءتۇسىندىرۋ شارالارى قولعا الىندى. سونداي- اق، سىيبايلاس جەمقورلىق تۋرالى اقپارات بەرگەن ازاماتتارعا كوتەرمەلەۋ سىياقى قاراستىرىلىپ وتىرعاندىعى ايتىلدى» ، - دەلىنگەن ۆەدومستۆونىڭ حابارلاماسىندا.
ايتا كەتەيىك، سىبايلاس جەمقورلىق قۇقىق بۇزۋشىلىق فاكتىسى تۋرالى حابارلاعان نەمەسە سىيبايلاس جەمقورلىققا قارسى ءىس- قيمىلدا وزگە دە جولمەن جاردەمدەسەتىن ادامداردى كوتەرمەلەۋ ءبىرجولعى اقشالاي سىياقى كولەمى مەن تولەۋ ءتارتىبى ق ر ۇكىمەتىنىڭ قاۋلىسىمەن بەكىتىلگەن.
ءبىرجولعى اقشالاي سىياقى كولەمى سىبايلاس جەمقورلىق قۇقىق بۇزۋشىلىقتار تۋرالى اكىمشىلىك ىستەر بويىنشا - 30 ايلىق ەسەپتىك كورسەتكىش (بۇدان ءارى - ا ە ك) ، ونشا اۋىر ەمەس سىبايلاس جەمقورلىق قىلمىستار تۋرالى قىلمىستىق ىستەر بويىنشا - 40 ا ە ك، اۋىرلىعى ورتاشا سىبايلاس جەمقورلىق قىلمىستار تۋرالى قىلمىستىق ىستەر بويىنشا - 50 ا ە ك، اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا - 70 ا ە ك، اسا اۋىر سىبايلاس جەمقورلىق قىلمىستار تۋرالى قىلمىستىق ىستەر بويىنشا - 100 ا ە ك تۇرىندە بەكىتىلگەن.
وسىعان بايلانىستى اقمولا وبلىسى بويىنشا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل دەپارتامەنتى تۇرعىندارعا بەلسەندىلىك تانىتىپ، سىيبايلاس جەمقورلىققا قاتىستى اقپاراتتى 1424 تەلەفون ءنومىرى بويىنشا Call-ورتالىققا حابارلاسۋدى سۇرايدى.
