17:43, 06 - تامىز 2018 | GMT +5
قىتايدا پوليتسيا ۋچاسكەسىنە شابۋىل جاسالدى
بەيجىڭ. قازاقپارات - قىتايدىڭ سىچۋان پروۆينتسياسىندا 6 - تامىز كۇنى جەرگىلىكتى ۋاقىت بويىنشا ساعات 11.00 دە پىشاقپەن قارۋلانعان ادام پوليتسيا ۋچاسكەسىنە شابۋىل جاسادى، دەپ حابارلايدى «شينحۋا» اقپارات اگەنتتىگى.
قاسكوي ەكى پوليتسيا قىزمەتكەرىن ولتىرگەن. سونىمەن قاتار، شابۋىل بارىسىندا 4 ادام ءتۇرلى دارەجەدە جاراقات الدى.
قىلمىسكەردى پوليتسەيلەر اتىپ ءولتىردى.
قىتايدىڭ بۇقارالىق اقپارات قۇرالدارىنىڭ حابارلاۋىنشا، سول كۇنى تاڭەرتەڭ كىسى ءولتىرۋ وقيعاسىنا بايلانىستى پوليتسيا اتالعان قىلمىسكەرگە ىزدەۋ سالعان ەكەن. قازىرگى ۋاقىتتا قوعامدىق قاۋىپسىزدىك ورگاندارى ءىس بويىنشا تەرگەۋ جۇرگىزۋدە.
اۋدارما: مۇحتار مۇرات
