عالىمدار ينتەرنەتكە جۇمسالعان ۇيقى ۋاقىتىن ەسەپتەدى
تالداۋ كورسەتكەندەي، كەڭ جيىلىكتى ينتەرنەتتى پايدالانۋشىلاردا دەمالىس ۋاقىتى ورتاشا ەسەپپەن العاندا 25 مينۋتقا ازايادى ەكەن. ونىڭ ۇستىنە، جوعارى جىلدامدىقتى ينتەرنەتى بار ادامدار مۇنداي مۇمكىندىگى جوق ازاماتتارعا قاراعاندا تورتتەن ءبىر ەسە التى ساعاتتان از ۇيىقتاعان. ينتەرنەتتىڭ ۇيقىعا ىقپالى 18-30 جاس ارالىعىنداعى ادامداردا ءجيى بايقالعان. بۇل جاس ساناتىندا ۇيقى ۋاقىتىنداعى ايىرماشىلىق 70 مينۋتتى قۇراعان.
جوعارى جىلدامدىقتى ينتەرنەتكە قولجەتىمدىلىك ۇيقى ساپاسىنا دا اسەر ەتەدى. زەرتتەۋ مالىمەتى بويىنشا، ەگەر ينتەرنەتتى پايدالانسا، رەسپوندەنتتەر ءجيى وياناتىن جانە ۇيقىلارىنا كوڭىلدەرى تولمايتىن بولعان.
مۇنداي زەرتتەۋدى Bocconi ۋنيۆەرسيتەتىندەگى يتاليالىق عالىمدار جۇرگىزگەن. ولار 2012-2013 -جىلدارى گەرمانيالىق فەدەرالدىق ستاتيستيكا كەڭسەسىمەن جۇرگىزىلگەن German Time Use Survey ساۋالناماسىنىڭ مالىمەتتەرىنە تالداۋ جاساعان. ساۋالناماعا 5,5 مىڭ رەسپوندەنت قاتىسقان. قاتىسۋشىلار ءۇش كۇن بويى ءوز ارەكەتتەرىن ون مينۋتتىق ارالىقپەن جازىپ وتىرعان.
Baq.kz
