16:14, 06 - تامىز 2018 | GMT +5
مىسىردا تۋريستكە اكۋلا شابۋىل جاساپ، مەرت بولدى
استانا. قازاقپارات - قىزىل تەڭىز جاعاسىندا دەمالىپ جاتقان چەحيالىق تۋريست اكۋلا شابۋىلىنان قازا تاپتى. بۇل 2015 -جىلدان بەرگى العاشقى جازاتايىم وقيعا، دەپ حابارلايدى «قازاقپارات» ح ا ا The Telegraph-قا سىلتەمە جاساپ.
وسى اقپاراتتى چەحيا سىرتقى ىستەر مينيسترلىگىنىڭ وكىلى راستاعان.
جەرگىلىكتى ب ا ق- تىڭ حابارلاۋىنا قاراعاندا، ءتۋريستىڭ دەنە قالدىقتارى تولقىنمەن جاعاعا شىققان.
42 جاستاعى ەر ادام وتباسىمەن بىرگە مىسىردىڭ قىزىل تەڭىز جاعالاۋلارىندا دەمالىپ جاتقان. قازىر ونىڭ وتباسى مۇشەلەرى ەلىنە قايتىپ ورالدى.
ءدال وسىنداي جاعداي 2015 -جىلى دا بولعان. سول كەزدە گەرمانيالىق تۋريست ايەل اكۋلانىڭ شابۋىلىنان قازا تاپقان.
