تۇركيا ا ق ش- قا جاۋاپ قايتاردى

استانا. قازاقپارات - تۇركيا مەن ا ق ش اراسىنداعى قارىم- قاتىناس امەريكالىق شىركەۋ قىزمەتكەرىنىڭ ىسىنە بايلانىستى شيەلەنىسە ءتۇستى. ويتكەنى انكارا ا ق ش- تىڭ بۇعان دەيىن 2 تۇرىك شەنەۋنىگىنە ەنگىزگەن شەكتەۋ شارالارىنا قارسى قارىمتا جاۋاپ قايتاردى.

 وعان سايكەس قۇراما شتاتتاردىڭ ادىلەت جانە ىشكى ىستەر مينيسترلىكتەرىنىڭ بارلىق ەسەپ- شوتتارى بۇعاتتالدى.

ەسكە سالا كەتەيىك، ەكى ەل اراسىنداعى كيكىلجىڭ ا ق ش- تىڭ 2 تۇرىك مينيسترىنە سانكسيا قولدانۋىنان باستالدى. ويتكەنى ۆاشينگتوننىڭ مالىمدەۋىنشە، بۇل شەنەۋنىكتەر 2016 -جىلى تۇركيادا قىزمەت ەتكەن ەندريۋ برانسون ەسىمدى امەريكالىق پاستوردى «كۇرد جۇمىسشى پارتياسى» جانە قۋعىنداعى گيۋلەنمەن بايلانىسى بار دەپ قاماۋعا الۋدى بۇيىرعان. سالدارىنان پاستور 2 جىلعا جۋىق تۇرمەدە وتىرىپ، جاقىندا ءۇي قاماققا اۋىستىرىلدى. وسىعان بايلانىستى ا ق ش العاش رەت ناتو- عا مۇشە ەلگە سانكسيا قولدانعان ەدى. ناتيجەسىندە تۇرىك ۆاليۋتاسى قۇنسىزدانىپ كەتتى.

www.24.kz