سۋرگۋتتىڭ ۇستىنەن مەتەوريتكە ۇقساس زات ۇشىپ ءوتتى
تۇرعىندار بۇل قۇبىلىسقا قاتىستى ءارتۇرلى بولجامدار كەلتىردى. ولاردىڭ ىشىندە مەتەوريت قۇلادى نەمەسە عارىش راكەتاسى ۇشتى دەگەن بولجامدار دا بولدى، دەپ حابارلايدى قازاقپارات ءتىلشىسى ر ي ا نوۆوستيگە سىلتەمە جاساپ.
ت ج م- ءنىڭ ايماقتىق باسقارماسىندا ءمالىم ەتكەندەي، حانتا-مانسييسك اۆتونومدىق وكرۋگىنىڭ تۇرعىندارىنان ءوڭىردىڭ ءىرى قالالارىنىڭ ۇستىنەن مەتەوريتكە ۇقساس بەلگىسىز زاتتىڭ ۇشقانى تۋرالى ارنايى حابارلاما كەلىپ تۇسپەگەن.
«ايتارلىقتاي ماڭىزدى حابارلاما كەلگەن جوق. بار بولعانى ادامدار بەلگىسىز نارسەنىڭ ۇشقانىن كورگەنىن جەتكىزدى. نە ۇشقانىن ەشكىم بىلمەيدى»، - دەدى ۆەدومستۆو وكىلى.
نەفتەيۋگانسكتىڭ ءبىرىڭعاي كەزەكشىلىك-ديسپەتچەرلىك قىزمەتىندە تۇرعىندار بەيتانىس وبەكتى جونىندە حابارلاما جىبەرمەگەنىن ايتتى. سۋرگۋت قالاسىنىڭ ب ك د ق پىكىر بىلدىرۋدەن باس تارتتى.
