گرۋزيا تاۋىنداعى ەڭ الىپ مۇزدىقتىڭ ءبىر بولىگى وپىرىلىپ كەتتى
ماماندار بۇعان جازدىڭ ىستىق كۇنىندە قاردىڭ تەز ەرۋى سەبەپشى بولدى دەپ سانايدى. بۇل تۋرالى قازاقپارات «گرۋزيا جاڭالىقتارىنا» سىلتەمە جاساپ حابارلايدى.
گرۋزيانىڭ سولتۇستىك-باتىسىندا ۇلكەن كاۆكاز شىڭىندا ورنالاسقان لەحزيري مۇزدىعىنىڭ اۋدانى شامامەن - 36 شارشى شاقىرىمداي، ۇزىندىعى - 15,9 شاقىرىم. مۇزدىقتىڭ ەڭ بيىك نۇكتەسى تەڭىز دەڭگەيىنەن ەكى مىڭ مەتر بيىكتە ورنالاسقان. مۇزدىققا جاقىن اۋماقتا ەلدى-مەكەن جوق.
الايدا وسى كەزدە وعان الپينيستەر بارادى. ماماندار مۇزدىقتىڭ وپىرىلعان تۇسىن زەرتتەۋگە كىرىستى، دەپ حابارلايدى ەلدىڭ قورشاعان ورتانى قورعاۋ جونىندەگى ۇلتتىق اگەنتتىگى.
باستاپقى مالىمەت بويىنشا مۇزدىقتىڭ كوشۋىنەن ەشكىم زارداپ شەكپەگەن. ال مۇزدىققا باراتىن جول وسى اۋماقتاعى جاعدايدىڭ ارى قاراي قالاي وزگەرەتىنى انىقتالمايىنشا جابىق بولادى.
«بولجام بويىنشا ءبىز گلياتسيولوگيالىق ۇدەرىسكە كۋا بولىپ وتىرمىز (جىلدىڭ ىستىق كەزىندە مۇزدىقتىڭ جەدەل ەرۋى)، بۇل تابيعاتتا ءجيى كەزدەسەتىن قۇبىلىس»، - دەپ ءمالىم ەتتى اگەنتىكتەگىلەر.
