قازاقستاندا العاش رەت الەۋمەتتىك جەلىدەگى تالانتتار كونكۋرسى وتكىزىلدى

استانا. قازاقپارات - رەسپۋبليكالىق حالىقتىڭ سۇيىكتىسى: «Talant show» بايقاۋى الەۋمەتتىك جەلىدەگى ەڭ ۇزدىك تالانتتى ونەرپازداردى انىقتادى، دەپ حابارلايدى قازاقپارات ءتىلشىسى.
None
None

العاش وتكىزىلگەن حالىقتىڭ سۇيىكتىسى: «Talant show» ۆيدەوونلاين كونكۋرسى رەسپۋبليكالىق شەڭبەرىندە ۇيىمداستىرىلدى. «Talant show» ونەرپازدار بايقاۋىنىڭ ماقساتى - حالىق ىشىندە، الەۋمەتتىك جەلىدە بەلسەندى، ونەرپاز تالانت يەلەرىن انىقتاپ، ولارعا شىعارماشىلىق قولداۋ كورسەتۋ.

بايقاۋعا كەز كەلگەن ادامنىڭ قاتىسۋ مۇمكىندىگى بولدى جانە جاس ەرەكشەلىگىندە شەكتەۋ بولعان جوق. باستى شارتى قاتىسۋشى ءوز ونەرىن ۆيدەوعا ءتۇسىرىپ ء(ان ايتۋ، ءبي بيلەۋ، فوكۋس كورسەتۋ ت. ب.) ونى الەۋمەتتىك جەلىگە جۇكتەۋ قاجەت. كونكۋرسقا ەلىمىزدىڭ بارلىق وڭىرىنەن 100 دەن اسا جۇمىس كەلىپ ءتۇستى، سونىڭ ىشىنەن 6 ۇزدىك جۇمىس تاڭدالىنىپ الىندى. ۇزدىك تالانت يەلەرىن انىقتاۋ Facebook الەۋمەتتىك جەلىسىندە ونلاين داۋىس بەرۋ ارقىلى جۇزەگە اسىرىلدى. «بىزدە كوپتەگەن ونەر فەستيۆالى، بايقاۋلار بار، ءبىراق ولار كاسىبي ونەرپازدارعا ارنالعان. ال قاراپايىم حالىققا ارنالعان شوۋ، بايقاۋ جوقتىڭ قاسى. ياعني بۇل جەردە ارنايى ءبىلىمى، جاس ەرەكشەلىگى باسقادا تالاپتار جوق.

ەڭ باستىسى وزىڭدە بار ونەردى ۆيدەوعا ءتۇسىر دە، الەۋمەتتىك جەلىگە جۇكتە، ال حالىق سونىڭ ىشىنەن وزىنە ۇناعان ونەرپازعا داۋىس بەرىپ ۇزدىك تالانت يەسىن انىقتايدى. بۇل حالىقتىڭ ماديەنيەتى مەن ونەرگە دەگەن سۇيىسپەنشىلىگىن ارتتىرادى. جانە حالىق اراسىندا جۇرگەن ونەرلى تالانتتاردى تابۋعا بىردەن ءبىر مۇمكىندىك»، - دەدى حالىقتىڭ سۇيىكتىسى: «Talant show» كونكۋرسى يدەياسىنىڭ اۆتورى عالىم بايتۋك.

حالىقتىڭ سۇيىكتىسى: «Talant show» كونكۋرسىنىڭ جەڭىمپازدارى:

1- ورىن ايبەك جاعىپار،  قىزىلوردا قالاسى؛

2- ورىن ارۋجان قايىرجانوۆا، استانا قالاسى؛

2- ورىن رايان قادىربەكوۆ، استانا قالاسى؛

3- ورىن مارجان قۋانىشبەكوۆا، ماڭعىستاۋ وبلىسى، بەينەۋ ادۋانى؛

3- ورىن راۋان قايداروۆ، پاۆلودار قالاسى؛

3- ورىن ايجان شاحايەۆا، قوستاناي وبلىسى، رۋدنىي قالاسى.

كونكۋرس جەڭىمپازدارى ءۇشىن ارنايى ماراپاتتاۋ ءساتى ۇيىمداستىرىلىپ قارجىلاي سىياقى مەن ەستەلىك سىيلىقتار بەرىلدى. ايتا كەتەيىك، اتالعان كونكۋرستى استانا قالاسى اكىمدىگىنىڭ قولداۋىمەن «رەسپۋبليكا-ايماق-دامۋ» قوعامدىق قورى ۇيىمداستىردى جانە بايقاۋدى جىل سايىن وتكىزىپ، داستۇرگە اينالدىرۋ ماقساتى كوزدەلىپ وتىر.

سوڭعى جاڭالىقتار