قازاقستاندا سالىقتىق تەكسەرۋلەر ءۇش ەسە ازايدى

استانا. قازاقپارات - قازاقستاندا كاسىپكەرلىك قىزمەتتى رەتتەۋ ماسەلەلەرى بويىنشا ءبىرقاتار زاڭنامالىق اكتىلەرگە وزگەرىستەر مەن تولىقتىرۋلار ەنگىزىلەدى، دەپ حابارلايدى قازاقپارات ءتىلشىسى.

«مۇنداعى باستى ستراتەگيالىق ماقسات - بيزنەسكە قولايلى جاعداي جاساپ، كەدەرگىلەردىڭ كوزىن جويۋ. قازاقستان زاڭنامالارىنا، اتاپ ايتقاندا 14 كودەكس پەن 109 زاڭعا جالپى كولەمى مىڭعا جۋىق وزگەرىستەر ەنگىزىلىپ وتىر»، - دەدى استانا قالاسى مەملەكەتتىك كىرىستەر دەپارتامەنتى باسشىسىنىڭ ورىنباسارى قانات ادىلبايەۆ.

ل. ن. گۋميليەۆ اتىنداعى ە ۇ ۋ- دا وتكەن سەميناردا. ونىڭ ايتۋىنشا، بىلتىردان باستاپ، قازاقستاندا سالىقتىق تەكسەرۋ جۇمىستارى ازايىپ كەلەدى.

«بيىلعى تەكسەرۋ جۇمىستارىن 30 پايىزعا قىسقارتۋدى كوزدەپ وتىرمىز. كەلەسى جىلى بۇل كورسەتكىش تاعى 10 پايىزعا تومەندەيدى. سالىستىرمالى تۇردە، بىلتىرعى جارتىجىلدىقتا تەكسەرۋ سانى 2300 گە جۋىق بولسا، بيىل 700 دەن دە اسقان جوق. ياعني، تەكسەرۋ جۇمىستارى ءۇش ەسەگە ازايدى. الىم بويىنشا، تەك قانا كەمەنى تىركەۋ جانە نەسيە بەرۋ الىمدارى عانا ءوز كۇشىندە قالدى. قالعان الىمداردىڭ بارلىق تۇرلەرى الىنىپ تاستالدى»، - دەدى ق. ادىلبايەۆ.