مينيستر ەلىمىزدە نەلىكتەن سىرتتاي وقۋ ءبولىمى جابىلاتىنىن ءتۇسىندىردى
«اشىق ديالوگ» پورتالىندا مينيسترگە سۇراق قويىلعان.
بۇل جايىندا stan.kz اقپارات كوزى حابار تاراتتى.
«ب ا ق-تا قازاقستاندا سىرتتاي وقۋ ءبولىمىنىڭ توقتاتىلاتىنى حابارلاندى. بۇل قانشالىقتى راس؟ ەگەر راس بولسا، ەكىنشى جوعارى ءىلىمدى سىرتتاي وقۋ قانشالىقتىقتى قاجەت؟ سىرتتاي وقۋدىڭ اقىسى ارزان بولاتىن. وزگەرىستەن سوڭ اقىسى قانشا بولادى؟»، - دەپ جازدى اسىلجان بايماعامبەتوۆ.
ەرلان ساعاديەۆ ەلىمىزدە سىرتتاي وقۋ ءبولىمى 2019 -جىلدىڭ قاڭتارىنان باستاپ توقتاتىلاتىنىن ايتتى. ال، بۇعان دەيىن تاپسىرعاندار وقۋىن جالعاستىراتىنىن جەتكىزدى.
«جوعارى وقۋ ورىندارىندا وقۋ ناتيجەلەرىن ەسكەرە وتىرىپ، باكالاۆريات باعدارلامالارىن جەدەلدەتىلگەن رەجيمدە اياقتاۋدى قاراستىراتىن يكەمدى جانە ينتەگراتسيالانعان ءبىلىم بەرۋ باعدارلامالارىن ازىرلەيمىز. بۇل نورما ازاماتتاردىڭ جوعارى بىلىمگە قولجەتىمدىلىگىن ارتتىرۋعا باعىتتالعان. وسىعان بايلانىستى، ءبىلىم بەرۋ باعدارلامالارى بويىنشا وقۋ اقىسى مەن ءبىلىم بەرۋ قىزمەتتەرىن كورسەتۋ تۋرالى شارتتىڭ نىسانى جوعارى وقۋ ورىندارىمەن دەربەس تۇردە بەكىتىلەدى»، - دەدى مينيستر.
