قاراعاندى پوليتسياسىندا تالىمگەرلىك ينستيتۋتى جانداندى
جاڭادان شاقىرىلعان وفيتسەرلەر وبلىستىڭ ىشكى ىستەر دەپارتامەنتىندە تالىمگەرلەرىمەن كەزدەستى. وسىعان وراي، پوليتسيادا تالىمگەرلىك ينستيتۋتى قايتا جانداندى. جىل بويى جاس قىزمەتكەرلەر اعا ارىپتەستەرىنىڭ قامقورلىعىندا جۇمىس جاسايتىن بولادى.
پرەزيدەنت ەلدە ءتارتىپ ورناتۋدى جانە زاڭنىڭ ساقتالۋىن ساياساتتىڭ باستى مىندەتى رەتىندە قاراستىرادى. ەلباسى ءوز سوزىندە مەملەكەت تىرشىلىگىنىڭ كەز كەلگەن سالاسىندا زاڭ ۇستەمدىك ەتكەن جاعدايدا جانە ادام قۇقىعى قورعالعاندا عانا ازاماتتاردىڭ بيلىككە، ونىڭ ىشىندە ىشكى ىستەر ورگاندارىنا دەگەن سەنىمى ارتاتىنىن ءجيى ايتادى.
«ەلدە سايكەس قۇقىقتىق ءتارتىپ ورناتۋعا كاسىبي دايارلىعى جوعارى، سول ءتارتىپ پەن مورالدىق قاعيدالاردى قاتاڭ ساقتاناتىن ادامدار عانا قابىلەتتى»، - دەدى وبلىستىق ءى ءى د باسشىسىنىڭ ورىنباسارى ارداق ىنتىقبايەۆ جاس قىزمەتكەرلەرگە.
ايتا كەتۋ كەرەك، جاڭا قىزمەتكەرلەر قاراعاندىلىق پوليتسيانىڭ ءارتۇرلى سالالارىندا جۇمىس جاسايتىن بولادى. ولار ۋچاسكەلىك ينسپەكتورلاردان تەرگەۋشىگە دەيىن قىزمەت اتقارا الادى.
