الماتىدا ەڭ كرەاتيۆتى جاس وتباسى انىقتالادى
بايقاۋ ماقساتى - جاس جانۇيالاردىڭ شىعارماشىلىق قىرىن اشىپ، بۇل باستاماعا ەل ايماعىنداعى وتباسىلاردى تارتۋ.
بەينەجازباعا وتباسىلىق ساياسات، وتباسىن ساقتاۋ مەن بىرلىگىن نىعايتۋ، ءداستۇردى بەرىك ۇستانۋ، دەموگرافيا ماسەلەلەرى توڭىرەگىندەگى سۇراقتار ارقاۋ بولا الادى.
«ۇزدىك جاس وتباسى» بايقاۋى 5 -تامىز كۇنى «SmArt.Point» كەڭىستىگىندە باستالادى. ۇيىمداستىرۋشىلاردىڭ ايتۋىنشا، سايىس تاتۋ- ءتاتتى وتباسى ۇلگىسىن قالىپتاستىرىپ، قوعامنىڭ كوزقاراسىن جاڭارتادى.
«جاس ءارى كرەاتيۆتى(جاڭاشىل) شاڭىراق يەلەرى ءوز تالانتتارىن دالەلدەپ قانا قويماي، بىرلەسىپ جاساعان تۋىندىلارىنان ءلاززات الىپ، ادامدارمەن قارىم - قاتىناس شەڭبەرىن كەڭەيتە الادى. سايىسكەرلەردىڭ جۇمىسىن الماتى ءماسليحات دەپۋتاتى قايرات قۇدايبەرگەن، ءانشى، ەكى بالانىڭ اكەسى مەدەۋ ارىنبايەۆ، بلوگەر، ەكى بالانىڭ اناسى سابيرا جاراس قىزى سىندى قازىلار باعالايدى. بايقاۋ جەڭىمپازىنا 200000 تەڭگەگە دەيىن وتباسىلىق تەحنيكالاردى ساتىپ الۋ مۇمكىندىگى بەرىلەدى»، - دەدى ۇيىمداستىرۋشى «ەرىكتىلەر ليگاسى» قوعامدىق قورىنان.
