ءازىربايجاندىق قىلمىس الەمىنىڭ سەركەسى قازاقستاندا ۇستالدى
بۇل تۋرالى ق ر ءى ءى م مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءمالىم ەتتى، دەپ حابارلايدى قازاقپارات ءتىلشىسى.
«ق ر ءى ءى م، ۇ ق ك جانە اقمولا وبلىستىق ءى ى د قىزمەتكەرلەرى شۋچينسك قالاسىنداعى قوناق ۇيلەردىڭ ءبىرىنىڭ نومەرىنەن گرۋزيا مەن ازەربايجان اۋماعىندا قىلمىستىق ءىس-ارەكەتپەن اينالىسقان، ءوزىن «ۆور ۆ زاكونە»(زاڭداعى ۇرىلار - رەد.) كاستاسىنا قاتىستى سانايتىن ازەربايجان رەسپۋبليكاسىنىڭ ازاماتىن قولعا ءتۇسىردى. ۇستالعان ادامنان وعى بار تاپانشا، گراناتا جانە ەسىرتكى زاتتارى تاركىلەندى»، - دەدى ول.
دەپارتامەنت باسشىسىنىڭ ايتۋىنشا، كۇدىكتى قازاقستانعا تبيليسيدەن اۋە رەيسىمەن كەلگەن.
«الدىن الا مالىمەتتەرگە سايكەس، ول تۋعان-تۋىسى گرۋزيا مەن ازەربايجان رەسپۋبليكاسىندا تۇراتىن ازەربايجان دياسپوراسىنان شىققان كاسىپكەرلەردى بوپسالاۋمەن اينالىسۋدى جوسپارلاعان. ۇستالعان ادام ۋاقىتشا وقشاۋلاعىشقا قامالدى. تەرگەۋ امالدارى جۇرگىزىلىپ جاتىر»، - دەدى الماس سادۋبايەۆ.
