استانادا قۇلاپ قالعان قۇرىلىس نىسانىنىڭ يەسىن انىقتالدى

استانا. قازاقپارات - استانادا قۇلاپ قالعان قۇرىلىس نىسانىنىڭ يەسىن انىقتادى، دەپ حابارلايدى قالالىق ءى ءى د-نىڭ باسپا ءسوز قىزمەتى.

«قۇرىلىس وبەكتىسىنىڭ يەسى انىقتالدى، قانداي دا ءبىر قۇقىق بەلگىلەيتىن جانە رۇقسات بەرەتىن قۇجاتتارىن ۇسىنعان جوق. سونىمەن قاتار، پوليتسيا قىزمەتكەرلەرى قۇرىلىس يەسى مەن زارداپ شەككەندەردىڭ اراسىندا ەڭبەك شارتى جوق ەكەندىگىن انىقتادى»، - دەلىنگەن حابارلامادا.

ەسكە سالا كەتسەك، كەشە، 1 -تامىزدا ساعات 19.40-تار شاماسىندا بالقانتاۋ كوشەسىندە سالىنىپ جاتقان قۇرىلىس نىسانى قۇلادى. وسى وقيعاعا بايلانىستى ق ر ق ك- نىڭ 156-بابى بويىنشا سوتقا دەيىنگى تەرگەپ-تەكسەرۋ جۇرگىزىلىپ («ەڭبەكتى قورعاۋ قاعيدالارىن بۇزۋ») جاتىر.

وقيعا ورنىنان قالالىق اۋرۋحاناعا ءتۇرلى دەنە جاراقاتىمەن (1970، 1983، 2000 ج. ت. ) جاستاعى ءۇش زارداپ شەگۋشى جەتكىزىلدى.

بۇگىن استانا قالالىق قوعامدىق دەنساۋلىق ساقتاۋ باسقارماسى ءۇيىندى استىنان قۇتقارىلعانداردىڭ جاي-كۇيىن قاتىستى تۇسىنىكتەمە بەردى.