ا ق ش- تا كيىزدەن باسىلعان بۇيىمدار دۇكەنى اشىلدى

استانا. قازاقپارات - ۇلى بريتانيالىق سۋرەتشى ليۋسي سپارروۋ كاليفورنيادا قويدىڭ جۇنىنەن جاسالعان بۇيىمدار ساتاتىن دۇكەن اشتى. بۇل جەردە تاۋاردى قوياتىن سورەدەن باستاپ كاسسالىق اپپاراتقا دەيىن كيىزدەن باسىلعان.

لوس- اندجەلەستىڭ ورتالىعىندا اشىلعان دۇكەندە 31 مىڭنان اسا تاۋار بار. ولاردىڭ ءارقايسىسى قولونەرشىنىڭ قولىنان ەرەكشە ىقىلاسپەن جاسالعان. ايتا كەتۋ كەرەك، ەستەلىك رەتىندە قولدانۋعا بولاتىن زاتتاردىڭ باعاسى دا قولجەتىمدى.

 ليۋسي سپارروۋ، سۋرەتشى:

- ماعان ەڭ ماڭىزدىسى - بۇيىمداردىڭ قولجەتىمدىلىگى. وسى دۇكەندى اشارداعى نەگىزگى يدەيالاردىڭ ءبىرى - ونەرگە اسا قىزىعۋشىلىق تانىتپايتىن جانداردىڭ وسىندا كەلىپ، كيىزدەن جاسالعان بۇيىمداردى ساتىپ الۋى. بۇل دۇكەنگە كەلگەن كەز كەلگەن قوناق 30-50 دوللار شاماسىندا ەستەلىكتەر ساتىپ الا الادى. ەشقانداي كورمەدە مۇنداي باعا جوق.

www.24.kz