ءانشى جازيرا بايىربەكوۆا «جۇلدىز اۋرۋىنا» شالدىققانىن مويىندادى
«جازيرا شىن ومىردە ساحناداعىداي ەمەس»، - دەپ كەيبىرەۋلەر ايتسا دۇرىس ايتادى، سەنىڭىزدەر.
جاي جۇرگەندە ساحنالىق كويلەكپەن جۇرمەيمىن، ماكياج جاسامايمىن، قاباعىم ءتۇيىلىپ جۇرەتىن كەزدەر دە، جىميىپ قۋانىپ جۇرەتىن كەزدەر دە بولادى، تەز اشۋلانىپ، تەز باسىلامىن»، - دەپ جازدى ءانشى Instagram-پاراقشاسىندا.
ايتۋىنشا، بۇگىن عانا ءوزىن اۋەجايدا كۇتىپ العان ادامدارعا اڭداۋسىزدا مىنەز كورسەتىپ قويعان.
«كۇندە تاڭعى ساعات 5-6 دا اۋەجايعا شىعىپ، تۇنگى ەكىگە دەيىن ءجۇرىپ، تاۋلىگىنە 1-2 ساعاتتان عانا ۇيىقتاپ جۇرگەن كۇندەرى حالىقتىڭ تىلىمەن ايتقاندا «جۇلدىز اۋرۋىمەن» اۋىرىپ قالامىن. جاڭا عانا ۇشاقتان كۇتىپ العان كىسىلەرگە ءسال عانا ۇناماي قالعان ىستەرى ءۇشىن سابىر ساقتاماي كىشىگىرىم مىنەز كورسەتىپ، 5-10 مينۋتتىق «جۇلدىز اۋرۋىمەن» اۋىردىم»، - دەيدى بايىربەكوۆا.
دەسە دە ءانشى ارا-تۇرا ارتىڭنان جاعىمسىز سوزدەردىڭ ەرگەنى دە دۇرىس دەيدى. سەبەبى...
«ءيا، ونداي ونداي بولىپ تۇرادى اراسىندا. ۇنەمى ماقتاۋ ەستي بەرگەننەن، اراسىندا ءتىل-كوز وتپەۋ ءۇشىن ارتىڭنان جامان ءسوزدىڭ دە بولعانى دۇرىس دەيدى بىلەتىندەر. كەيدە پەرىشتە ەمەس پەندە ەكەنىڭدى، اشۋلاناتىن، مۇڭاياتىن، قۋاناتىن كەزدەرىمىزدىڭ بولاتىنىن نەسىنە جاسىرامىز...
قالاي بولعاندا دا ءومىردى سۇيەمىن. ءومىر دەگەن ول سىزدەر!» - دەپ اعىنان جارىلدى ءانشى.
