گولوۆكين مەن «كانەلو» ءتۇسىرىلىم الاڭىندا توبەلەسە جازدادى

استانا. قازاقپارات - ساۋل «كانەلو» الۆارەستىڭ گەننادي گولوۆكينمەن بىرلەسكەن مەديا ءىس-شارانى وتكىزۋدى قالامايتىنىنا قاراماستان، شىلدەنىڭ ورتاسىندا بوكسشىلار ەكىنشى جەكپە-جەكتىڭ پرومو-روليگىن ءتۇسىرۋ ءۇشىن تۇسىرىلىمدە كەزدەستى، دەپ حابارلايدى Sports.kz.

TMZ.com حابارلاعانداي، كەزدەسۋ قيىن اتموسفەرادا وتكەن. ەكى قارسىلاس تا «شىنايى جەك كورەتىندەرىن» كورسەتىپ، ءتۇسىرىلىم الاڭىندا ترەشتوكينگكە جول بەرگەن.

ءتۇسىرىلىم پروتسەسىندەگى كادرلارعا قاراعاندا، GGG مەن «كانەلو» قويىلىمدىق سوققىدان شىنايى ايقاسقا ءوتىپ كەتۋگە دايىن تۇردى.

ەسكە سالايىق، گولوۆكين مەن الۆارەستىڭ ەكىنشى ايقاسى 15- قىركۇيەكتە لاس-ۆەگاستا T- Mobile Arena-دا وتەدى.