12:10, 02 - تامىز 2018 | GMT +5
امەريكالىق ساربازداردىڭ سۇيەكتەرى وتانىنا جەتكىزىلدى
استانا. قازاقپارات - وتكەن عاسىردىڭ 50-جىلدارى كورەي تۇبەگىندەگى سوعىستا قازا تاپقان ا ق ش جاۋىنگەرىلەرىنىڭ سۇيەگى وتانىنا جەتكىزىلدى.
55 ساربازدىڭ تابىتى اكەلگەن ۇشاق پەرل- حاربور اسكەري تەڭىز بازاسىنا قوندى. قارسى الۋ راسىمىنە ا ق ش ۆيتسە- پرەزيدەنتى مايكل پەنس پەن اسكەري قولباسشىلار قاتىستى.
كورەي تۇبەگىندەگى سوعىس ءۇش جىلعا جالعاسىپ، 1953 -جىلى اسكەري قيمىلدار اياقتالعان بولاتىن. ءبىراق ءالى كۇنگە دەيىن ەكى كورەيا مەملەكەتى اراسىندا بەيبىت كەلىسىم جاسالعان جوق، ا ق ش پەن سولتۇستىك كورەيا اراسىندا دا ديپلوماتيالىق قاتىناس ورناماعان. بيىل 12 ماۋسىمدا سينگاپۋردە دونالد ترامپ پەن كيم چەن ىن اراسىندا كەزدەسۋدە سول سۇراپىل سوعىستا قازا بولعان امەريكالىق جاۋىنگەرلەردىڭ سۇيەگىن قايتارۋ تۋرالى كەلىسىلگەن بولاتىن.
www.24.kz
