الماتىدا جۇكتى كەلىنشەك جول اپاتىنان كوز جۇمدى
قايعىلى وقيعا مومىش ۇلى كوشەسى مەن جاڭا جول كوشەسىنىڭ قيىلىسىندا بولعان. وقيعا كۋاگەرلەرىنىڭ ايتۋىنشا، Toyota Corolla مەن Subaru Legacy مومىش ۇلى كوشەسىمەن سولتۇستىككە قاراي بارا جاتقان.
Toyota جولدىڭ ەڭ شەتىندە سول جاقتا، ال Subaru ورتاڭعى جولدا كەلە جاتقان. Toyota جۇرگىزۋشىسى الدىندا تۇرعان كەدەرگىنى كەش بايقاپ، وڭ جاققا قاراي قاشپاق بولادى. سول ساتتە ول Subaru كولىگىنىڭ ارت جاعىنان قاققان. سونىڭ كەسىرىنەن Subaru جۇرگىزۋشىسى كولىك تىزگىنىنەن ايرىلىپ قالىپ، كولىك بىرنەشە رەت اۋدارىلىپ تۇسكەن.
سوققىدان جولاۋشى، 1997-جىلعى جۇكتى كەلىنشەك كوز جۇمدى. وقيعانىڭ ءمان-جايىن پوليتسيا انىقتاپ جاتىر. قالالىق ءى ءى د- ءنىڭ رەسمي وكىلى سالتانات ازىربەك قايعىلى وقيعاعا بايلانىستى تۇسىنىكتەمە بەردى.
«اتالعان دەرەك ق ر ق ك 345- بابىنا سايكەس جۇرگىزۋشىنىڭ ابايسىزدا ادام ولىمىنە اكەلىپ سوقتىرعان جول ەرەجەسىن بۇزۋعا قاتىستى سوتقا دەيىنگى ءبىرىڭعاي تەرگەۋ تىزىلىمىنە تىركەلدى. قازىر قاجەتتى ساراپتاما تاعايىندالدى ، - دەدى سالتانات ازىربەك.
ايتا كەتۋ كەرەك، كىناسى انىقتالعان جاعدايدا Toyota Corolla جۇرگىزۋشىسى 5 جىلعا باس بوستاندىعىنان ايرىلۋى مۇمكىن.
