11:39, 02 - تامىز 2018 | GMT +5
ۇلى بريتانيا سانكت- پەتەربۋرگتەگى باس كونسۋلدىعىن جاپتى
استانا. قازاقپارات - ۇلى بريتانيا سانكت- پەتەربۋرگتەگى باس كونسۋلدىعىن رەسمي تۇردە جاپتى. بۇل جايلى حابارلاما ۇلى بريتانيانىڭ رەسەيدەگى ەلشىلىگىنىڭ Facebook-تەگى پاراقشاسىندا جاريالاندى.
«امال نە، رەسەي ۇكىمەتى بىزگە قارسى بۇل شارانى سولسبەريدەگى وقيعادان سوڭ قولدانىپ وتىر» دەلىنگەن حابارلامادا.
30 - شىلدە كۇنى سانكت- پەتەربۋرگتەگى باس كونسۋلدىق قىزمەتكەرلەرى عيماراتتان ۇلى بريتانيا تۋىن تومەن تۇسىرگەن.
4 - ناۋرىزدا سولسبەريدە رەسەي سىرتقى بارلاۋ قىزمەتىنىڭ بۇرىنعى اگەنتى سەرگەي سكريپال مەن قىزى يۋليا سكريپال ۋلانعان. ۇلى بريتانيا بيلىگى ولاردىڭ س س س ر كەزىندە جاسالعان «نوۆيچوك» ۋىنان ۋلانعانىن مالىمدەگەن. لوندون بۇل قاۋىپتى زات ۇلى بريتانياعا رەسەيدەن جەتكىزىلگەن دەپ بىلەدى جانە ۋلاۋعا رەسەيدى كىنالايدى. رەسەي ايىپتى تەرىستەيدى.
www.azattyq.org
