ا ق ش تۇركيالىق مينيسترلەرگە سانكسيا سالدى

استانا. قازاقپارات - ا ق ش تۇركيا بيلىگىنىڭ ەكى وكىلى - ىشكى ىستەر ءمينيسترى سۋلەيمان سويلۋ مەن ادىلەت ءمينيسترى ابدۋلحاميت گيۋلگە قارسى سانكسيا سالدى. ۆاشينگتون ولاردىڭ امەريكالىق ءدىندار ەندريۋ برانسوندى قۋدالاۋعا قاتىسى بار دەپ بىلەدى.

سانكسيا «ماگنيتسكي اكتىسى» زاڭى اياسىندا سالىنعان. بۇل زاڭ ا ق ش قارجى مينيسترلىگىنە ادام قۇقىعىن بۇزۋعا قاتىسى بار تۇلعالارعا شەكتەۋ شارالارىن قولدانۋعا مۇمكىندىك بەرەدى.

امەريكالىق ءدىن قىزمەتكەرى ەندريۋ برانسون تۇركيادا 20 جىلدان بەرى تۇرادى. 2016 -جىلى ول تۇركيادا توڭكەرىس جاساۋ ارەكەتىن تەرگەۋ اياسىندا ۇستالعان. بيىل شىلدەنىڭ سوڭىندا بيلىك ونى تۇرمەدەن ءۇيقاماققا شىعارعان. ۆاشينگتون بۇعان دەيىن تۇركيا ونى ەلىنە قايتارادى دەپ ۇمىتتەنگەن. ا ق ش پرەزيدەنتى دونالد ترامپ تۇركياعا ءدىنداردى قۋدالاۋىن توقتاتپاسا سانكسيالار سالىناتىنىن ەسكەرتكەن. ال انكارا وعان جاۋاپ شارالارىن قولداناتىنىن مالىمدەگەن.
www.azattyq.org