استانا- شياڭگاڭ رەيسىن اشۋ شارتتارى تالقىلانۋدا
گونكونگ دەلەگاتسياسىن باستاپ كەلگەن گونكونگ ارنايى اكىمشىلىك اۋدانى ۇكىمەتىنىڭ كولىك جانە ءۇي قۇرىلىسى بيۋرو حاتشىسىنىڭ باس كومەكشىسى ۋاي سام اۋ ق ر ي د م ازاماتتىق اۆياتسيا كوميتەتىنىڭ ءتوراعاسى تالعات لاستايەۆپەن جۇرگىزگەن كەلىسسوز بارىسىندا الماتى مەن گونكونگ اۋەجايلارى اراسىندا جولاۋشىلار مەن جۇك تاسىمالدارىن ارتتىرۋ مۇمكىندىكتەرىن زەرتتەۋگە قىزىعۋشىلىق تانىتتى. سونداي- اق، كەزدەسۋ بارىسىندا استانا - گونكونگ جاڭا رەيسىن اشۋ شارتتارى دا تالقىلاندى.
قازىرگى ۋاقىتتا «ەير استانا» اۋە كومپانياسىنىڭ اپتاسىنا 3 رەت قاتىنايتىن الماتى - گونكونگ باعىتى بويىنشا تىكەلەي تۇراقتى اۋە قاتىناسى بار.
بۇدان بولەك، تاراپتار ءبىلىم بەرۋ سالاسى بويىنشا ىنتىماقتاسۋ ماسەلەلەرىن قاراستىردى. گونكونگتىڭ حالىقارالىق اۆياتسيا اكادەمياسىنىڭ پرەزيدەنتى ۆيۆيان كارفاي چەۋنگ ۇشقىشتار مەن اۆياتسيا ماماندارىن وقىتۋ باعدارلامالارىمەن جانە وقۋ ورنىمەن تانىستىردى.
