سىباعا باعدارلاماسى: سەمەيدە مال باسى ءوسىپ كەلەدى
بۇگىندە وڭىردەگى شارۋا قوجالىقتار مەن جەكە شارۋالار ءسۇت ءوندىرۋدى بىرتىندەپ قولعا الۋدا. سوندىقتان ءسۇت شيكىزاتىنىڭ باسىم بولىگى قاراپايىم تۇرعىنداردىڭ ەنشىسىندە. اعىمداعى جىلى وبلىستىق اۋىل شارۋاشىلىعى باسقارماسى تۇرعىنداردان 1125 توننا ءسۇت قابىلداۋ بويىنشا مەجە بەلگىلەگەن ەدى. قازىرگى ۋاقىتتا ءسۇت قابىلداۋ جۇمىستارى وزەركا، ەرتىس، دوستىق، جيەنالى، زنامەنكا، نوۆوباجەنوۆاجانە پريرەچنىي اۋىلدىق وكرۋگتەرىندە قولعا الىندى.
2018 -جىلعى قىركۇيەك ايىندا 100 سيىرعا ءسۇت- تاۋارلى فەرمانى ىسكە قوسۋ كوزدەلۋدە. جوبانى اياقتاۋ 2019 -جىلعا جوسپارلانعان.
«نۇر» ش ق- دا جاڭا جوبا ىسكە اسۋدا. «اگرارلىق نەسيەلەۋ كورپوراتسياسى» ا ق فيليالىنىڭ قاراجاتى ەسەبىنەن 170,0 ميلليون تەڭگە سوماسىندا جوبانى قارجىلاندىرۋدا. شارۋاشىلىق قۇرال- جابدىقتاردى جەتكىزۋشىمەن كەلىسىمشارتقا سايكەس، بۇگىنگى كۇنى 100 سيىرعا ارنالعان ءسۇت قوندىرعىسىن جەتكىزىپ جانە مونتاجداۋ جۇمىستارى جۇرگىزىلدى»، - دەدى نۇرلان شاقابايەۆ.
سونىمەن قاتار، ءوڭىر شارۋالارى اسىل تۇجىمدى مال وسىرۋگە كوپ كوڭىل بولۋدە. ماسەلەن، وڭىردە 124 قوجالىق مال باسىن اسىلداندىرۋ باعىتىندا جۇمىس اتقارۋدا. سەمەي ءوڭىرىنىڭ اۋىل شارۋاشىلىعى تاۋارىن وندىرۋشىلەر رەسەي فەدەراتسياسىنا 350 باس ءىرى قارا مالىن ەكسپورتتاۋدى جوسپارلاۋدا. بۇل باعىتتا جۇمىس جۇرگىزىلىپ جاتىر.
ەت ونىمدەرىن ەكسپورتقا قىتاي مەملەكەتىنە جەتكىزۋ دە جوسپاردا.
«بيىلعى جىلى «سىباعا» باعدارلاماسىمەن «اگرارلىق نەسيەلەۋ كورپوراتسياسى» ا ق جانە «اۋىل شارۋاشىلىعىن قارجىلاي قولداۋ قورى» ارقىلى جەڭىلدەتىلگەن نەسيەمەن مال باسىن كوبەيتۋ جۇمىستارى جالعاسۋدا»، - دەدى ءبولىم باسشىسى.
اۆتور: باعىم عالىمبەك قىزى
