جازعى ازيا ويىندارىندا وڭتۇستىك كورەيا مەن سولتۇستىك كورەيا ءبىر كوماندا ەسەبىندە سىنعا تۇسەدى
قازاقستان رەسپۋبليكاسى ۇلتتىق وليمپيادا كوميتەتىنىڭ حابارلاۋى بويىنشا، سولتۇستىك كورەيانىڭ وليمپياداعا جولداما العان سپورتشىلارى مەن باپكەرلەرى جارىس الدىندا بىرىككەن وقۋ-جاتتىعۋ جۇمىستارىن جۇرگىزۋ ءۇشىن وڭتۇستىك كورەياعا كەلگەن.
حابارلامادا «دەلەگاتسيا قۇرامىنا 18 كانوەشى، سەگىز ەسكەك ەسۋشى، ءتورت باسكەتبولشى قىز جانە ولاردى ەرتىپ جۇرەتىن ءتورت ادام ەنگەن. ولار پحەنياننان بەيجىڭ ارقىلى ينچحون حالىقارالىق اۋەجايىنا كەلىپ، سەۋلدەن وڭتۇستىككە قاراي 150 شاقىرىمدا ورنالاسقان چحوندجۋعا كەتتى. ەكى اپتا بويى ولار چحوندجوۋدا وڭتۇستىك كورەيالىق سپورتشىلارمەن بىرلەسكەن وقۋ- جاتتىعۋ جيىندارىن وتكىزبەك»، - دەپ جازىلعان.
ەستەرىڭىزدە بولسا، بيىل وڭتۇستىك كورەيادا وتكەن ХХІІІ قىسقا وليمپيادادا ەكى ەلدىڭ حوككەي سپورتىنان ايەلدەر كومانداسى مۇز ايدىنىنا ءبىر كوماندا بولىپ شىققان ەدى. وسى وقيعادان كەيىن، ەكى ەلدىڭ سپورتشىلارى دجاكارتا مەن پالەمبانگ قالالارىندا وتەتىن بايراقتى باسەكەدە ءبىر تۋدىڭ استىندا ونەر كورسەتۋگە شەشىم قابىلداپتى.
بۇل ەكى ەل اراسىندا العاش رەت بولعالى تۇرعان جاعداي ەمەس. وسىعان دەيىن، 1991 -جىلى جەنەۆادا ۇستەل تەننيسىنەن وتكەن الەم چەمپيوناتىندا سولتۇستىك كورەيا مەن وڭتۇستىك كورەيا سپورتشىلارى جارىسقا ءبىر كوماندا ەسەبىندە قاتىسقان ەدى.
ناتيجەسىندە، بىرلەسە كۇش سىناسقان كورەيلەر سول چەمپيوناتتا 1 التىن، 1 كۇمىس، 2 قولا مەدالدى جەڭىپ الدى.
Massaget.kz
