توقال العان ەر-ازاماتتار اباقتىعا جابىلاتىن ورتا ازيا ەلى

استانا. قازاقپارات - ورتا ازيا بويىنشا وزبەكستان جالعىز ەل شىعار كوپ ايەل العاندار مەن مەملەكەتتىك تىركەۋگە تۇرماي نەكە قيدىرعاندار زاڭمەن قۋدالاناتىن.

قازىرگى ۋاقىتتا اتالعان زاڭدى اينالىپ ءوتىپ، نەكە قيدىرعانداردى انىقتاۋعا ەلدىڭ رەسپۋبليكالىق ايەلدەر كوميتەتى كىرىسىپ وتىر. ازىرگى ەل اۋماعىندا 12 مىڭداي وتباسى بارى انىقتالدى. رەسمي نەكە قيدىرماعان.

بۇل جايىندا وزبەكستان پرەمەر-ءمينيسترىنىڭ ورىنباسارى تانزيل ناربايەۆ ءمالىم ەتتى. ونىڭ ايتۋىنشا، ايەلدەر ۇيىمىنىڭ ارالاسۋىمەن ءارى اتسالىسۋىمەن بەس مىڭنان اسا نەكە ارنايى ورىندا، ياعني، مەملەكەتتىك حال اكتىلەرىن تىركەۋ ورىندارىندا تىركەلدى.

بۇل ەلدە ازاماتتىق نەمەسە شاريعات تالاپتارىنا ساي نەكە قيدىرۋعا زاڭ جۇزىندە تىيىم سالىنباعان. الايدا، توقال العاندارعا قىلمىستىق كودەكستە ايىپپۇل سالۋدان 3 جىلعا دەيىن اباقتىعا جابۋ جازاسى قاراستىرىلعان.

ايتا كەتەيىك، اتالعان ەلدە مەملەكەتتىك تىركەۋدەن وتپەگەن جۇپتاردىڭ شاريعات تالاپتارىنا ساي نەكەسىن قيعان ءدىن قىزمەتكەرلەرىنە قىلمىستىق جاۋاپكەرشىلىك ەنگىزۋ ماسەلەسى كوتەرىلگەن ەدى. وتكەن جىلى. بۇل ۇسىنىس ازىرگە ەل پرەزيدەنتى شاۆكات ميرزەيەۆتىڭ كوپ ايەل الۋشىلىقپەن ءتيىمدى كۇرەسۋگە مۇمكىندىك بەرەتىن جاڭا زاڭ جوباسىن تاپسىرۋىنا بايلانىستى بەلگىسىز مەرزىمگە كەيىنگە شەگەرىلگەن بولاتىن.

جاڭا زاڭ جوباسىندا يمامداردىڭ نەكە قيدىرۋداعى جاۋاپكەرشىلىگى دە قاراستىرىلۋى مۇمكىن. بۇل كوپ ايەل الۋشىلىقپەن كۇرەسۋگە ارنالعان جاڭا زاڭ جوباسى ەڭ الدىمەن نەكەسىز تۋعان بالالاردىڭ مۇددەسى ءۇشىن قولعا الىنىپ وتىر.

كەيىن مەملەكەت تاراپىنان بەرىلەتىن ءتۇرلى كومەكتەردەن قاعىلماسى ءۇشىن. الايدا، زايىرلىلىقتى العا تارتىپ، شىعىس داستۇرىندە بۇرىننان بار كوپ ايەل الۋشىلىققا زاڭمەن تىيىم سالىپ، وسىنداي جوق جەردەن پروبلەما (كوپ ايەل الۋشىلىقتى زاڭسىز دەپ تانىپ، نەكەسىز تۋعاندار مۇددەسىن ويلاعان بولىپ) تاۋىپ الىپ وتىرعان وزبەك بيلىگىنىڭ ارەكەتى ءبىرىڭعايدا قوجاناسىردىڭ ارەكەتىنە ۇقساپ كەتەدى.

 islam.kz