قازۇۋ مەن وكسفورد ۋنيۆەرسيتەتى اراسىنداعى ىنتىماقتاستىق نىعايا ءتۇستى
قازۇۋ رەكتورى عالىم مۇتانوۆتىڭ وكسفورد ۋنيۆەرسيتەتىنە جۇمىس ساپارى بارىسىندا وسىنداي كەلىسىمگە كەلدى. عالىمدار، وقىتۋشىلار جانە اكىمشىلىك وكىلدەرىمەن كەزدەسۋ بارىسىندا تاراپتار ەكى جاقتى ىنتىماقتاستىقتى ودان ءارى تەرەڭدەتۋگە قىزىعۋشىلىق تانىتىپ، ءبىلىم بەرۋ ىسىندەگى سەرىكتەستىكتىڭ باسىم باعىتتارىن جانە بىرلەسكەن عىلىمي زەرتتەۋلەردى جۇزەگە اسىرۋدى تالقىلادى. جوعارى بىلىكتى مامانداردى دايارلاۋ ماقساتىندا قازۇۋ- دىڭ ەڭ ۇزدىك ماگيسترانتتارى مەن دوكتورانتتارى «عىلىمعا كىرىسپە» بىرلەسكەن ءبىلىم بەرۋ باعدارلاماسى اياسىندا وكسفوردقا وقۋعا جىبەرىلمەك.
سونىمەن قاتار، اعىلشىندىق ارىپتەستەر وزدەرىنىڭ زەرتحانالارىندا قازۇۋ پروفەسسورلارىمەن گەوگرافيا، تاريح، يادرولىق فيزيكا جانە ت. ب. سالالارداعى جوبالارمەن بىرلەسە عىلىمي- زەرتتەۋ جۇمىستارىن جۇرگىزەدى. ەكى جوعارى وقۋ ورنى اراسىنداعى ىنتىماقتاستىق تاجىريبەسى قازىردىڭ وزىندە قولجەتىمدى.
وسى جىلدىڭ ءساۋىر ايىندا قازۇۋ وكسفورد ۋنيۆەرسيتەتىمەن بىرلەسە ەۋرازيانىڭ ورتالىق بولىگىندە ورنالاسقان ءاريدتى ايماقتارىنىڭ تۇراقتى دامۋىنىڭ وزەكتى ماسەلەلەرىنە ارنالعان «ءاريدتى ايماقتار: ەكولوگيالىق جانە الەۋمەتتىك تۇراقتىلىق» اتتى حالىقارالىق عىلىمي كونفەرەنسيا وتكىزدى. عىلىمي جانە تاجىريبەلىك قۇندىلىقتارىن ەرەكشە اتاپ وتكەن شەتەلدىك عالىمدار مەن ساراپشىلار شاراعا جوعارى باعا بەردى.
وكسفورد ۋنيۆەرسيتەتى - الەمدەگى ەڭ كونە جانە ۇزدىك ۋنيۆەرسيتەتتەردىڭ ءبىرى. وندا 20 مىڭنان استام ستۋدەنت ءبىلىم الادى، ونىڭ تورتتەن ءبىر بولىگى - شەتەلدىك ستۋدەنتتەر. QS حالىقارالىق رەيتينگىسىندە ول الەمدەگى ۇزدىك بەس ۋنيۆەرسيتەتتىڭ قاتارىنا ەنگەن.
