ازيادا ويىندارىندا ەڭ كوپ التىن جۇلدەنى قانداي اتلەتتەر جەڭىپ الدى؟

استانا. قازاقپارات - ق ر جەڭىل اتلەتيكا فەدەراتسياسى جازعى ازيادا ويىندارىندا قازاقستان قورجىنىنا ەڭ كوپ جۇلدە سالعان سپورتشىلاردىڭ كىمدەر ەكەنىن جاريالادى، دەپ حابارلايدى قازاقپارات ءتىلشىسى.

فەدەراتسيا تاراتقان مالىمەتكە سۇيەنسەك، 1994-جىلدان بەرى قازاقستان قورجىنىنا ەڭ كوپ التىن جۇلدەنى سىيلاعان جەڭىل اتلەتتەر ەكەن. 1994-2014-جىلدار ارالىعىندا قازاقستان جەڭىل اتلەتتەرى ازيا ويىندارىندا جالپى سانى 61 مەدال جەڭىپ العان. ونىڭ ىشىندە 22 ءسى التىن، 21 ءى كۇمىس، 18 ءى قولا مەدال.

ەكىنشى ورىندا بايداركا جانە كانوە ەسۋشىلەر. ولاردىڭ ەنشىسىندە 50 مەدال بار (21 التىن، 16 كۇمىس، 13 قولا). ۇشتىكتى نىسانا كوزدەۋشىلەر قورىتىندىلاپ تۇر (18 التىن، 23 كۇمىس، 29 قولا).

ەستەرىڭىزگە سالا كەتەيىك، جازعى ازيا ويىندارى بيىل دجاكارتادا (يندونەزيا) 18- تامىز بەن 2- قىركۇيەك ارالىعىندا وتەدى. قۇرلىقتىق جارىستا 462 مەدالدار جيىنتىعى ساراپقا سالىنادى. قازاقستاننان 419 سپورتشى سپورتتىڭ 38 تۇرىنەن جارىس جولىنا شىعادى دەپ جوسپارلانعان.

اۆتور: كۇنسۇلتان وتارباي