شۆەتسيادا كورولدىك وتباسىنىڭ اسا باعالى زاتتارىن ۇرلاپ كەتتى

استانا. قازاقپارات - شۆەتسيا پوليتسياسى سەيسەنبى كۇنى كەشكىسىن سترەنگنەس سوبورىندا كورولدىك وتباسىنىڭ اسا باعالى زاتتارى ۇرلانعان، دەپ حابارلايدى قازاقپارات Time-عا سىلتەمە جاساپ.

ۇرلانعان زاتتاردىڭ اراسىندا كورول IX كارل مەن ونىڭ جۇبايى كريستينانىڭ ءتاجى بولعان.

پوليتسيانىڭ دەرەگى بويىنشا، ۇرلىقشىلار ستوكگولمنىڭ باتىسىندا ورنالاسقان سوبورعا بايلانعان موتورلى قايىقپەن جاسىرىنعان. پوليتسيا قايىقپەن جانە تىكۇشاقپەن كۇدىكتىلەردى ىزدەستىرىپ جاتىر.

«ءبىز قازىر جەردىڭ بەتىنەن دە، سۋدا دا، اۋادا دا ىزدەۋدەمىز»، - دەپ مالىمدەدى پوليتسيا وكىلى.

ۇرلانعان زاتتار 1611-جىلى جاسالعان، دەلىنگەن شۆەتسيا پوليتسياسىنىڭ باسپا ءسوز حابارلاماسىندا. كورولدىك باعالى زاتتار العاشقىدا كارل جانە كريستينامەن بىرگە جەرلەنگەن ەدى، ءبىراق كەيىن قازىپ الىنىپ، سوبورعا قويىلدى، دەپ حابارلادى Sydney Morning Herald.

قاسكۇنەمدەر جاسىرىنعان موتورلى قايىق شاعىن كولەمدە بولعان.

ازىرگە ەشكىم تۇتقىندالعان جوق.