ورتالىق افريكا رەسپۋبليكاسىندا ءۇش رەسەيلىك جۋرناليستى ءولتىرىپ كەتتى

ماسكەۋ. قازاقپارات - ر ف س ءى م ورتالىق افريكا رەسپۋبليكاسىندا جۋرناليستىك قۇجاتتارى بار ءۇش رەسەي ازاماتىنىڭ قازا تاپقانىن راستادى، دەپ حابارلايدى ت ا س س.
None
None

31- شىلدەدە ورتالىق افريكا رەسپۋبليكاسىندا ءۇش جۋرناليستىڭ قازا تاپقانى بەلگىلى بولدى. سيبيۋ قالاسىنا جاقىن ماڭدا بەلگىسىز قارۋلى ادامدار توبى شابۋىل جاساپ، رەسەيلىك جۋرناليست ورحان دجەمال، وپەراتور كيريلل رادچەنكو مەن رەجيسسەر الەكساندر راستورگۋيەۆتى ولتىرگەن.

«ورتالىق افريكا رەسپۋبليكاسىنان ءتۇسىپ جاتقان اقپارات بويىنشا، 30- شىلدەدە سيبيۋ قالاسىنا جاقىن ماڭدا (و ا ر استاناسىنان سولتۇستىككە قاراي 300 شاقىرىم - بانگي ق.) كيريلل رادچەنكو، الەكساندر راستورگۋيەۆ جانە ورحان دجەمال ەسىمدەرىنە بەرىلگەن تەك جۋرناليستىك قۇجاتتارى عانا بار ءۇش ادام قازا تاپتى»، - دەپ حابارلادى ر ف س ءى م.

ۆەدومستۆودا اتالىپ وتىلگەندەي، رەسەي ديپلوماتيالىق ميسسيا قىزمەتكەرلەرى جەرگىلىكتى قۇقىق قورعاۋ ورگاندارى مەن ۇكىمەتتىك قۇرىلىمدارمەن تىعىز بايلانىس جاساپ، وقيعانىڭ ءمان-جايىن انىقتاپ جاتىر.

«و ا ر- داعى رەسەي ەلشىلىگى وكىنىشكە وراي، ەلدىڭ اۋماعىنا رەسەيلىك جۋرناليستەردىڭ كەلگەنى تۋرالى بىلمەگەن»، - دەلىنگەن حابارلامادا.

سوڭعى جاڭالىقتار