مەكسيكادا جولاۋشىلار ۇشاعى اپاتقا ۇشىرادى

استانا. قازاقپارات - Aeromexico اۋە كومپانياسىنىڭ ۇشاعى مەكسيكانىڭ ۆيكتوريا-دە-دۋرانگو قالاسى اۋەجايىنان كوتەرىلگەن ساتتە اپاتقا ۇشىرادى، دەپ حابارلايدى bbc.com.

شتات گۋبەرتاتورى دۋرانگو حوسە روساس ايسپۋرونىڭ ايتۋىنشا، جولاۋشىلاردىڭ ءبارى امان قالعان.

جەرگىلىكتى ب ا ق جۋرناليستەرىنىڭ حابارلاۋىنشا، جولاۋشىلاردىڭ باسىم بولىگى ۇشاق سالونىنان وزدىگىنەن شىققان.

ەلدىڭ دەنساۋلىق ساقتاۋ مينيسترلىگىنىڭ دەرەكتەرىنە قاراعاندا، 85 ادام جاراقات العان، ولار جاقىن جەردەگى اۋرۋحانالارعا جاتقىزىلدى.

بورتىندا 94 جولاۋشى جانە 4 ەكيپاج بار Embraer E90 ۇشاعى «حەنەرال گۆادالۋپە ۆيكتوريا» اۋەجايىنان ەل استاناسى مەحيكو قالاسىنا ۇشىپ شىققان.

قۇتقارۋشىلار جارالىلارعا كومەك كورسەتۋدە.

ۇشاق ۇشۋ-قونۋ جولاعىنان كوتەرىلە بەرگەن ساتتە قۇلاعان.

OMA Aeropuertos اۋەجايى وپەراتورى كومپانياسىنىڭ مالىمدەۋىنشە، اپاتقا قولايسىز اۋا رايى سەبەپ بولۋى مۇمكىن.