21:09, 31 - شىلدە 2018 | GMT +5
ا ق ش سولتۇستىك كورەيانىڭ زىمىرانعا قاتىستى ارەكەتىن اشكەرلەدى
استانا. قازاقپارات - ا ق ش- تىڭ بارلاۋ قىزمەتى سولتۇستىك كورەيانىڭ جاڭا زىمىراندار جاساپ جاتقانىن انىقتادى. بۇل تۋرالى The Washington گازەتى حابارلادى.
باسىلىمنىڭ جازۋىنشا، بارلاۋشىلار سوڭعى بىرنەشە اپتادا جەرسەرىك ارقىلى تۇسىرىلگەن سۋرەتتەر مەن باسقا دا مالىمەتتەرگە سۇيەنىپ وتىر. ال تىڭشىلاردىڭ ايتۋىنشا، سولتۇستىك كورەيالىقتار جاڭا راكەتالاردى پحەنيانعا جاقىن جەردەگى بۇعان دەيىن قۇرلىق ارالىق بالليستيكالىق زىمىراندار دايىنداعان وندىرىستىك الاڭدا قۇراستىرا باستاعان.
ەسكە سالا كەتەيىك، ماۋسىم ايىنىڭ 12- كۇنى ا ق ش پرەزيدەنتى دونالد ترامپ پەن سولتۇستىك كورەيا باسشىسى كيم چەن ىن سينگاپۋردە كەزدەسكەن بولاتىن. ونىڭ ناتيجەسىندە تاراپتار بىرلەسكەن مالىمدەمەگە قول قويىپ، پحەنيان كورەيا تۇبەگىن يادرولىق قارۋدان ازات ايماققا اينالدىرۋعا دايىن ەكەنىن مالىمدەدى. ال ۆاشينگتون بولسا ءوز تاراپىنان بۇل مەملەكەتكە قاۋىپسىزدىك كەپىلدىگىن بەرۋگە كەلىستى.
www.24.kz
