قازاقستاندا ورتاشا جالاقى كولەمى قانداي
ءبىر ايلىق ورتاشا جالاقى كولەمى وتكەن جىلعى ءتيىستى ەكىنشى توقسانمەن سالىستىرمالى تۇردە %8,5 ءوستى، ال ناقتى تۇردە %2,2 ارتىق بولدى.
سالالىق قۇرىلىمدا ەڭ ۇلكەن اتاۋلى جالاقى قارجى جانە ساقتاندىرۋ قىزمەتىندە -335,3 مىڭ تەڭگە (ورتاشا رەسپۋبليكالىق دەڭگەيدەن 2,1 ەسەگە استى)، كاسىبي، عىلىمي جانە تەحنيكالىق قىزمەتتە - 273,2 مىڭ تەڭگە (1,7 ەسەگە استى)، ونەركاسىپ سالاسىندا - 224,7 مىڭ تەڭگە (1,4 ەسەگە استى)، اقپارات جانە بايلانىس سالاسىندا - 238,4 مىڭ تەڭگە (1,5 ەسەگە استى)، قۇرىلىس سالاسىندا - 212,8 مىڭ تەڭگە (1,3 ەسەگە استى) بەلگىلەندى.
ەڭ تومەنگى اتاۋلى جالاقى اۋىل، ورمان جانە بالىق شارۋاشىلىعى قىزمەتكەرلەرىندە بەلگىلەندى - 93,7 مىڭ تەڭگە، بۇل رەسپۋبليكا بويىنشا ورتا كورسەتكىشتەن %42,4 عا تومەن.
وڭىرلىك بولىنىستە ەڭ جوعارعى جالاقى اتىراۋ وبلىسىندا بەلگىلەندى - 291,3 مىڭ تەڭگە، بۇل ورتاشا رەسپۋبليكالىق كورسەتكىشتەن شامامەن 1,8 ەسەگە اسادى. جامبىل وبلىسىندا مۇنىڭ شاماسى 111,2 مىڭ تەڭگەنى قۇرادى، بۇل ەل بويىنشا ورتاشا دەڭگەيدەن %31,7- عا تومەن.
