فرانسيا مەكتەپتەرىندە ۇيالى تەلەفونعا تىيىم سالىندى
دەپ حابارلايدى قازاقپاراتتىڭ مەنشىكتى ءتىلشىسى جەرگىلىكتى ب ا ق- قا سىلتەمە جاساپ.
پرەزيدەنت ەممانيۋەل ماكروننىڭ باستاماسىمەن قۇرىلعان زاڭ عالامتورعا شىعۋعا مۇمكىندىك بەرەتىن قۇرىلعىلاردى وقۋ عيماراتتارى ماڭايىندا پايدالانۋعا تىيىم سالادى. ولاردىڭ قاتارىندا نوۋتبۋك، پلانشەت، سمارتفون، «اقىلدى» ساعاتتار بار.
ديەۆايستاردى ءبىلىم الۋ ماقساتىندا قاجەتتىلىگى تۋىنداعان كەزدە عانا پايدالانۋعا رۇقسات ەتىلەدى.
زاڭدى قولداۋشىلاردىڭ ايتۋىنشا، فرانسيادا 12 مەن 17 جاس ارالىعىنداعى ون جاسوسپىرىمنىڭ توعىزىندا ۇيالى تەلەفون بار. الايدا قۇرىلعىلاردى پايدالانۋ بالالاردىڭ ساباقتى زەيىن قويىپ تىڭداۋىنا كەدەرگى كەلتىرەدى، فيزيكالىق بەلسەندىلىگىن تومەندەتەدى.
مەكتەپتە وتەتىن ساباقتار كەزىندە ۇيالى تەلەفونداردى پايدالانۋعا زاڭدى تۇردە 2010 -جىلدان بەرى تىيىم سالىنعان، الايدا جاڭادان ەنگىزىلگەن زاڭ ودان دا قاتاڭ. بۇدان بىلاي ديەۆايستاردى تەك سىنىپتا عانا ەمەس، مەكتەپتىڭ اۋماعىندا، ءتىپتى ودان تىس جەرلەردە ساباق وقىعان كەزدە قولدانۋعا تىيىم سالىندى.
اتالمىش زاڭ جاڭا وقۋ جىلىنىڭ قىركۇيەك ايىندا ءوز كۇشىنە ەنەدى.
