شۆەتسيادا سۋعا تولعان ۆوكزالدا جولاۋشىلار ءجۇزىپ ءجۇر

استانا. قازاقپارات - شۆەتسيانىڭ ۋپپسالا قالاسىنداعى ورتالىق تەمىرجول ۆوكزالىن جولاۋشىلار باسسەينگە اينالدىردى.

جەلىدە كوڭىلدى ۆيدەولار قىزۋ تالقىلانىپ جاتىر، دەپ حابارلايدى قازاقپارات شەتەلدىك ب ا ق-قا سىلتەمە جاساپ.

جازدا سكانديناۆ تۇبەگىندە جاۋىن-شاشىن مول تۇسەدى. دەمالىس كۇندەرى ۋپپسالا قالاسىندا تولاسسىز جاۋعان نوسەر سالدارىنان سۋ تاسقىنى بولدى. ورتالىق تەمىرجول ۆوكزالىندا جولاۋشىلار پويىزدارىنا جەتۋ ءۇشىن تىزەدەن، كەيبىرەۋلەرىنىڭ بەلشەسىنەن سۋ كەشۋىنە تۋرا كەلدى.

ەندى بىرەۋلەر ۆوكزالدى باسسەينگە اينالدىرىپ، ءجۇزىپ ءجۇر.